فیفا ورلڈ کپ 2026 کوالیفائرمیں پرتگال ہنگری کو ہرا کر ٹاپ پر
بڈاپسٹ، 10 ستمبر (ہ س)۔ فیفا ورلڈ کپ 2026 کے کوالیفائر میں پرتگال نے منگل کی شب ہنگری کو سنسنی خیز مقابلے میں 2-3 سے شکست دے کر پوائنٹس ٹیبل میں سرفہرست ہے۔ مانچسٹر سٹی کے جواو کینسلو نے باکس کے کنارے سے شاندار گول کر کے فاتحانہ گول کیا۔ اس کے ساتھ ہی اسٹار اسٹرائیکر کرسٹیانو رونالڈو نے بھی گول کرکے ورلڈ کپ کوالیفائنگ میں سب سے زیادہ گول کرنے کا مشترکہ ریکارڈ اپنے نام کرلیا۔رابرٹو مارٹینز کی ٹیم نے پہلے دو میچوں میں لگاتار جیت درج کی ہے۔ اس سے قبل اس نے آرمینیا کو 0-5 سے شکست دی تھی۔ پرتگال اب گروپ ایف میں چھ پوائنٹس کے ساتھ سرفہرست ہے جبکہ آرمینیا تین پوائنٹس کے ساتھ دوسرے نمبر پر ہے۔حالانکہ میچ کا آغاز ہنگری کے حق میں رہا۔ فرینکواروس کلب کے اسٹرائیکر بارناباس وارگا نے زولٹ ناکی کے کراس پر ہیڈر لگا کر گول کر کے میزبان ٹیم کو برتری دلا دی۔پہلے ہاف میں ہنگری کے گول کیپر بالاز ٹوتھ نے رونالڈو کے قریبی شاٹ کو شاندار طریقے سے روک دیا۔ لیکن چھ منٹ بعد مانچسٹر سٹی کے مڈفیلڈر برنارڈو سلوا کو موقع ملا اور انہوں نے گول کر کے سکور 1-1 کر دیا۔دوسرے ہاف میں 58ویں منٹ میں رونالڈو نے پنالٹی پر گول کرکے پرتگال کو 1-2 سے آگے کردیا۔ یہ گول ان کے ورلڈ کپ کوالیفائنگ کیریئر کا 39 واں گول تھا، جس سے وہ گوئٹے مالا کے سابق اسٹار کارلوس روئز کے ریکارڈ کی برابری پر پہنچ گئے۔ 84ویں منٹ میں وارگا نے ایک اور ہیڈر لگا کر ہنگری کو برابری پر لا دیا۔
لیکن صرف دو منٹ بعد پرتگال نے گیند کو چھین لیا اور تیزی سے حملہ کیا اور کینسلو نے فیصلہ کن گول کر کے ٹیم کو 2-3 سے جیت دلادی۔ ہنگری نے 1986 سے ورلڈ کپ کیلئے کوالیفائی نہیں کر سکا ہے اور اب تک پرتگال کے خلاف ایک بھی جیت درج نہیں کرسکا ہے۔
