پربھ سِمرن اور بولرز کی عمدہ کارکردگی نے پنجاب کو سیمی فائنل میں پہنچایا

بنگلور، 13 جنوری (یو این آئی ) کپتان پربھ سِمرن سنگھ کی شاندار 88 رنز کی اننگز اور بولرز کی بہترین کارکردگی کی بدولت پنجاب نے منگل کو مدھیہ پردیش کو 183 رنز کے بڑے فرق سے شکست دے کر وِجئے ہزارے ٹرافی کے سیمی فائنل میں جگہ بنائی۔پنجاب نے 50 اوورز میں 6 وکٹ پر 345 رنز بنائے اور مدھیہ پردیش کو صرف 31.2 اوورز میں 162 رنز پر آؤٹ کر دیا۔ پربھ سِمرن کو ان کی اننگز کے لیے پلےئر آف دی میچ کا ایوارڈ ملا۔پربھ سِمرن نے 86 گیندوں پر 10 چوکے اور 2 چھکے لگا کر 88 رنز بنائے۔ اس کے علاوہ، ہرنور سنگھ نے 51 اور انمولپریت سنگھ نے 70 رنز کا حصہ ڈالا۔ نہال وڈھیرہ نے 38 گیندوں میں 8 چوکے اور 1 چھکا لگاتے ہوئے تیز 56 رنز بنائے۔مدھیہ پردیش کی طرف سے رجت پاٹیدار نے سب سے زیادہ 38 اور تریبُرش سنگھ نے 31 رنز بنائے۔ پنجاب کی طرف سے سنویر سنگھ نے 3 اور گُرنُور برار، کرِش بھگت اور رمن دیپ سنگھ نے 2-2 وکٹیں حاصل کیں۔