میامی اوپن 2026: یانک سنر نے جیری لہیکا کو شکست دے کر خطاب جیت لیا، سن شائن ڈبل کی تاریخ رقم کی

میامی، 30 مارچ (ہ س)۔ اطالوی اسٹار یانک سنر نے اتوار کی رات بارش سے متاثرہ فائنل میں چیک جمہوریہ کے جیری لہیکا کو 6-4، 6-4 سے شکست دے کر میامی اوپن کا خطاب جیت لیا۔ اس جیت کے ساتھ، سنر کوئی سیٹ گنوائے بغیر ’’سن شائن ڈبل‘‘ مکمل کرنے والے پہلے کھلاڑی بن گئے۔عالمی نمبر دو سنر نے اپنے پہلے سرو پوائنٹس کا 92 فیصد جیتا اور پورے میچ میں تینوں بریک پوائنٹس کو بچا لیا۔ جیت کے ساتھ، انہوں نے ماسٹرز 1000 میچوں میں کوئی سیٹ ہارے بغیر اپنی جیت کا سلسلہ 17 تک بڑھا دیا۔مقابلے کے بعد سنر نے کہا’’ہم نے اس مقام تک پہنچنے کے لیے بہت محنت کی ہے، اس لیے میں بہت خوش ہوں۔میں گھر واپس جانے کے لئے بھی پرجوش ہوں۔ پہلی بار سن شائن ڈبل جیتنا ناقابل یقین ہے۔ میں نے کبھی سوچا بھی نہیں تھا کہ یہ ممکن ہو گا۔‘‘بارش کی وجہ سے میچ کا آغاز تقریباً 90 منٹ تاخیر سے ہوا۔ اس کے باوجود، سنر نے ایک مضبوط آغاز کیا۔پہلے سیٹ میں تیزی سے 3-1 کی برتری حاصل کی اور اسے زبردست سرو کے ساتھ اپنے نام کر لیا۔ دوسرے سیٹ کے آغاز میں بارش نے دوبارہ کھیل کو روکنے پر مجبور کیا، لیکن سنر نے سنبھلنے کے بعد اپنا تسلط برقرار رکھا۔لہیکا، جو اپنے پہلے ماسٹرز 1000 فائنل میں کھیل رہے تھے، نے دوسرے سیٹ میں سخت مقابلہ کیا۔ انہوں نے کئی بریک پوائنٹس بچائے اور ایک موقع پر 4-3 کی برتری بھی حاصل کی، لیکن سنر نے اہم لمحات میں بہتر کھیل کے ساتھ واپسی کی۔سنر نے دوسرے سیٹ میں چھٹے بریک پوائنٹ کو تبدیل کرکے 5-4 کی برتری حاصل کی اور پھر ان کی سرو پر میچ جیت لیا۔سنر 2017 میں راجر فیڈرر کے بعد پہلے کھلاڑی بن گئے جس نے لگاتار انڈین ویلز اور میامی اوپن خطاب جیتے، یہ کارنامہ “سن شائن ڈبل” کے نام سے جانا جاتا ہے۔اس خاص کامیابی کے ساتھ سنر نے اپنا نام نوواک جوکووچ، آندرے اگاسی، پیٹ سمپراس، مائیکل چانگ اور جم کورئیر جیسے عظیم کھلاڑیوں کی فہرست میں درج کرا لیا ہے۔