ہاکی انڈیا کے صدر ڈاکٹر دلیپ ٹرکی کو لائف ٹائم اچیومنٹ ایوارڈ سے نوازا گیا

کولکاتا، 25 اکتوبر (ہ س)۔ ہاکی انڈیا کے صدر اور ہندوستانی مردوں کی ہاکی ٹیم کے سابق کپتان ڈاکٹر دلیپ ٹرکی کو کلکتہ اسپورٹس جرنلسٹس کلب (سی ایس جی سی) نے ہندوستانی کھیلوں میں ان کے بیش بہا خدمات کے لیے ‘لائف ٹائم اچیومنٹ ایوارڈ سے نوازا۔ یہ باوقار اعزاز انہیں جمعہ کو کولکاتا میں سابق ہندوستانی کرکٹ کپتان اور بی سی سی آئی کے سابق صدر سورو گنگولی نے پیش کیا۔ہندوستانی ہاکی کے قدآور کھلاڑی ڈاکٹر ٹرکی نے 412 بین الاقوامی میچوں میں ہندوستان کی نمائندگی کی جن میں تین اولمپک گیمز (1996، 2000، 2004) شامل ہیں۔ انہیں ملک کے بہترین ڈیفینڈرس میں سے ایک سمجھا جاتا ہے۔ہاکی انڈیا کے صدر کا عہدہ سنبھالنے کے بعد سے، ڈاکٹر ٹرکی نے ہندوستانی ہاکی کو نئی بلندیوں تک لے جانے کے لیے کئی ترقیاتی اور ساختی اصلاحات شروع کیں، جس سے ملک میں کھیل کو نئی سمت اور رفتار ملی۔