میامی، 5 مئی (ہ س)۔ آسکر پیاستری نے اتوار کو میامی گراں پری جیت کر نہ صرف اپنی مسلسل تیسری فتح کو یقینی بنایا بلکہ میک لارن ٹیم کو ایک اور یادگار ون -ٹو فنش دلایا۔ چوتھی پوزیشن سے ریس کا آغاز کرنے والے آسٹریلوی ڈرائیور نے شاندار طریقے سے آگے بڑھتے ہوئے جیت درج کی اور اب وہ ٹیم کے ساتھی لینڈو نورس پر 16 پوائنٹس کی سبقت حاصل کر چکے ہیں ۔ دو سال پہلے میامی میں سب سے سست ٹیم سمجھی جانے والی میک لارن اب وہی ریس 35 سیکنڈ سے زیادہ کے فرق سے جیت گئی۔پیاستری نے جیت کے بعد کہا کہ ’’یہ ناقابل یقین ہے کہ ہم وہیں ہیں جہاں ہم پہلے لیپ ڈاوں ہوتے تھے۔‘‘
ورسٹاپن کی پول سے جیت نہ ہونے کی روایت برقرار
ریڈ بل کے دفاعی چیمپئن میکس ورسٹاپن پول پوزیشن سے ریس شروع کرنے کے باوجود چوتھے نمبر پر رہے۔ میک لارن کے دونوں ڈرائیوروں نے انہیں اوورٹیک کیا اور میامی میں پول پوزیشن سے جیت نہیں ہونیکی روایت کو جاری رکھا۔مرسڈیز کے جارج رسل تیسرے نمبر پر رہے لیکن وہ بھی فاتح سے 37.644 سیکنڈ پیچھے رہے۔ ولیمز کے ایلکس البون پانچویں نمبر پر رہے جبکہ مرسڈیز کے کیمی اینٹونیلی اور فراری کے چارلس لیکرک اور لیوس ہیملٹن بالترتیب چھٹے، ساتویں اور آٹھویں نمبر پر رہے۔
ریس کے آغاز میں نورس اور ورسٹاپن آپس میںٹکرا گئے
ریس کے پہلے لیپ میں اس وقت دلچسپ مرحلہ دیکھنے کو ملا جب ٹرن-2 پر لینڈو نورس اور میکس ورسٹاپن آپس میں ٹکرا گئے جس کی وجہ سے نورس ٹریک سے اتر گئے اور تین مقامات سے محروم ہوگئے۔ تاہم ذمہ داروں نے اس معاملے میں کوئی کارروائی نہیں کی۔نورس نے کہا،’’اگر میں آگے نہیں جاتا تو لوگ شکایت کرتے، اور اگر میں جاتا ہوں تو بھی شکایت ہوتی ہے۔ میکس کے ساتھ یا تو ٹکر ہو گی یا اوورٹیک نہیں ہو سکے گا۔‘‘
پیاستری نے ایک بے عیب ڈرائیو کے ساتھ تاریخ رقم کی
پیاستری نے لیپ 4 پر انٹونیلی کو اوورٹیک کیا اور پھر ورسٹاپن کو بھی پیچھے چھوڑ دیا۔ نورس نے بھی شاندار واپسی کی اور ورسٹاپن کو لیپ 17 سے پیچھے چھوڑ کر دوسرے نمبر پر آ گئے۔
ورچوئل سیفٹی کار ریس کے دوران تین بار باہر آئی جس کی وجہ سے الپائن، ہاس اور سوبر کاریں ریس چھوڑ دیں۔
ایف 1 میامی جی پی 2025: پیاستری نے جیت کی ہیٹ ٹرک لگائی
