نئی دہلی، 17 مئی (یواین آئی) اپنے پہلے چھ میچوں میں سے پانچ میں فتح کے ساتھ اس سیزن کی شاندار شروعات کرنے والی دہلی کیپٹلزکو پلے آف کی اپنی امیدوں کو برقرار رکھنے کے لیے اتوار کو ارون جیٹلی اسٹیڈیم میں ہونے والے ہائی اسٹیک مقابلے میں گجرات ٹائٹنز کو ہر حال میں ہرانا ہوگا۔پچھلے 11 میچوں میں 13 پوائنٹس کے ساتھ پانچویں پوزیشن پر موجود دہلی ابھی بھی پوائنٹس کے لحاظ سے پلے آف کے لیے امیدوار ہے، لیکن دیگر دعویداروں سے پیچھے ہونے اور صرف تین میچ باقی ہونے کی وجہ سے ایک اور غلطی ٹیم کو مہنگی پڑ سکتی ہے۔ دوسری جانب، گجرات ٹائٹنز اس سیزن میں 11 میچوں میں 16 پوائنٹس کے ساتھ سب سے کامیاب ٹیم رہی ہے اور سرفہرست دو میں جگہ بنانے کے قریب ہے۔میزبان ٹیم کو اس وقت بڑا دھچکا لگا جب اسٹار فاسٹ بولر مچل اسٹارک ٹورنامنٹ کے باقی میچوں سے باہر ہوگئے۔ ان کی غیر موجودگی نے تیزگیندبازی اٹیک کو کمزور کر دیا ہے، جس سے دوشمنتھا چمیرا، مکیش کمار اور واپسی کرنے والے ٹی نٹراجن پر اضافی دباؤ پڑا ہے۔ 12 وکٹوں اور 6.74 کی ایکانومی کے ساتھ کلدیپ یادو مڈل اوورز میں ان کا سب سے قابل اعتماد آپشن بنے ہوئے ہیں۔ کے ایل راہل نے دہلی کے لیے بیٹ سے شاندار کارکردگی دکھائی ہے، انہوں نے 16.142کے اسٹرائیک ریٹ سے نو اننگز میں 381 رنز بنائے ہیں۔ابھیشیک پورل نے ٹاپ آرڈر میں مضبوط ساتھ دیا ہے، جبکہ اکشر پٹیل اور آشوتوش شرما نے لوئر آرڈر میں اہم شراکت دی ہے۔ جنوبی افریقی تجربہ کار فاف ڈو پلیسی اور ٹرسٹن اسٹبس کے دیر سے آنے سے ٹیم کی واپسی کی امید جاگی ہے۔ جیک فریزر-میک گرگ کی جگہ بنگلہ دیش کے فاسٹ بولر مستفیض الرحمٰن کو ٹیم میں شامل کیا گیا ہے، لیکن اتوار کے میچ کے لیے ان کی دستیابی غیر یقینی ہے، کیونکہ ان کے پچھلی شام شارجہ میں ایک بین الاقوامی ٹی20 میچ کھیلنے کی توقع ہے۔دریں اثنا، گجرات ٹائٹنز اچھی طرح منظم دکھائی دے رہی ہے اور صحیح وقت پر عروج پر ہے۔ ان کے ٹاپ آرڈر سائی سدرشن، شبمن گل، اور جوس بٹلر سب نے اس سیزن میں 500 رنز کا ہندسہ عبور کیا ہے، جس سے انہیں بیٹنگ میں مضبوط برتری حاصل ہے۔ شیفین ردرفورڈ اور راہل تیویتیا نے مڈل آرڈر میں مزید جارحانہ کھیل دکھایا ہے، جبکہ ان کی بولنگ یونٹ مسلسل بہتر کارکردگی دکھا رہی ہے۔محمد سراج اور پرسدھ کرشنا نے مل کر 35 وکٹیں لی ہیں، اور کگیسو رباڈا کی واپسی کی توقع کے ساتھ، ان کی فاسٹ بولنگ مضبوط پوزیشن میں ہے۔ سائی کیشور اور راشد خان کی اسپن ڈیپارٹمنٹ میں مسلسل کامیابی ٹیم کے بولنگ اٹیک کو دھار دیتی ہے۔اس سیزن میں ارون جیٹلی اسٹیڈیم کی پچ ہائی اس ۔اسکورنگ رہی ہے، جس میں ٹیمیں باقاعدگی سے 200 رنز کا ہندسہ عبور کر رہی ہیں۔ ٹاس فیصلہ کن ہو سکتا ہے۔
، کیونکہ آئی پی ایل 2025 میں اس مقام پر چار میں سے تین میچ پہلے بیٹنگ کرنے والی ٹیم نے جیتے ہیں۔ دہلی کی ٹیم واپسی کے لیے بے تاب ہے اور گجرات اپنی بادشاہت کو مضبوط کرنا چاہتا ہے، اس لیے اتوار کا مقابلہ لیگ کے آخری مرحلے میں فیصلہ کن ثابت ہو سکتا ہے۔
پلے آف کی امیدوں کو زندہ رکھنے کیلئےاترے گی دہلی کیپٹل
