امن و امان برقرار رکھنے پولیس افسران کی تعیناتی اور دیگر انتظامات پر تبادلہ خیال کیا
جدید بھارت نیوز سروس
رانچی، 12؍ اکتوبر: جھارکھنڈ اسٹیٹ کرکٹ ایسوسی ایشن (JSCA) اسٹیڈیم، رانچی میں 30 نومبر 2025 کو ہونے والے ہندوستان اور جنوبی افریقہ کے درمیان ہونے والے ODI میچ کے انعقاد کے سلسلے میں آج، ڈپٹی کمشنر کم ڈسٹرکٹ مجسٹریٹ، رانچی، منجوناتھ بھجنتری کی صدارت میں ایک اہم میٹنگ منعقد ہوئی۔ اس میٹنگ کا بنیادی مقصد کرکٹ میچ کے دوران امن و امان، سکیورٹی اور ٹریفک کے انتظامات کو یقینی بنانا تھا۔ میٹنگ میں سینئر سپرنٹنڈنٹ آف پولیس، رانچی، راکیش رنجن، پولیس سپرنٹنڈنٹ، رانچی؛ پارس رانا، سپرنٹنڈنٹ آف پولیس، ٹریفک، رانچی؛ سب ڈویژنل آفیسر، صدر، رانچی، مسٹر اتکرش کمار؛ جے ایس سی اے کے صدر، اجے ناتھ شاہ دیو؛ سکریٹری، سوربھ تیواری؛ اور دیگر متعلقہ حکام موجود تھے۔
کرکٹ میچ کے دوران متوقع بڑے ہجوم کے پیش نظر ٹریفک اور حفاظتی انتظامات پر خصوصی زور۔
ڈپٹی کمشنر منجوناتھ بھجنتری نے کرکٹ میچ کے دوران متوقع بڑے ہجوم کے پیش نظر ٹریفک اور حفاظتی انتظامات پر خصوصی زور دیا۔ انہوں نے امن و امان برقرار رکھنے کے لیے مجسٹریٹس اور پولیس افسران کی تعیناتی، ٹریفک مینجمنٹ اور دیگر ضروری انتظامات پر تبادلہ خیال کیا۔ ڈپٹی کمشنر نے متعلقہ حکام کو ہدایت کی کہ تمام انتظامات کو احسن طریقے سے انجام دیا جائے تاکہ تماشائیوں اور کھلاڑیوں کو کسی قسم کی پریشانی کا سامنا نہ کرنا پڑے۔ڈپٹی کمشنر نے یہ بھی یقین دلایا کہ ضلعی انتظامیہ جے ایس سی اے کو ہر ممکن تعاون فراہم کرے گی تاکہ رانچی میں اس بین الاقوامی کرکٹ میچ کا شاندار اور منظم انداز میں انعقاد یقینی بنایا جا سکے۔ انہوں نے کہا، “ہمارا مقصد اس بات کو یقینی بنانا ہے کہ یہ ایونٹ نہ صرف کھیلوں سے محبت کرنے والوں کے لیے یادگار رہے بلکہ ایک بہترین میزبان کے طور پر رانچی کی شبیہ کو بھی مضبوط کرے۔” جے ایس سی اے کے صدر اجے ناتھ شاہد دیو نے ضلع انتظامیہ کے تعاون کی تعریف کی اور کہا کہ اس طرح کی مربوط تیاریاں ایونٹ کی کامیا بی کو یقینی بنائے گی۔ سکریٹری سوربھ تیواری نے بھی اس موقع پر اسٹیڈیم کی تیاریوں اور دیگر انتظامات کے بارے میں جانکاری دی۔
