بونس پوائنٹ جیت کے بعد پریٹوریا کیپٹل ٹاپ پر

سنچورین، 13 جنوری (یو این آئی ) پریٹوریا کیپیٹلز نے ایم آئی کیپ ٹاؤن کو 53 رنز سے شکست دے کر بونس پوائنٹ حاصل کیا اور پوائنٹس ٹیبل میں پہلی پوزیشن پر پہنچ گئی۔ یہ کیپیٹلز کی مسلسل تیسری جیت رہی، جبکہ اس ہار کے بعد ایم آئی کیپ ٹاؤن پلے آف کی دوڑ سے باہر ہو گئی۔پہلے بیٹنگ کرتے ہوئے پریٹوریا نے ڈیوالڈ بریوس اور شیرفین ردرفورڈ کی نصف سنچریوں کی بدولت 20 اوورز میں 185 رنز بنائے۔ ردرفورڈ نے اہم مرحلے پر تیز رنز جوڑے۔ جواب میں ایم آئی کیپ ٹاؤن کی بیٹنگ لڑکھڑا گئی اور ٹیم 20 اوورز میں 132 رنز ہی بنا سکی۔ ریزا ہینڈرکس کی 68 رنز کی ناقابلِ شکست اننگز بھی ٹیم کو شکست سے نہ بچا سکی۔ گیدون پیٹرز نے تین وکٹیں لے کر اہم کردار ادا کیا۔اس جیت کے ساتھ پریٹوریا کیپیٹلز مضبوط انداز میں ٹورنامنٹ میں آگے بڑھ رہی ہے۔