آسٹریلیا نے ہندوستان کو 3-2 سے شکست دی

اینٹورپ، 15 جون (یو این آئی) ایف آئی ایچ ہاکی پرو لیگ 2024-25 میں اتوار کے روز ہندوستانی مرد ہاکی ٹیم کو آسٹریلیا کے خلاف 2-3 سے شکست کا سامنا کرنا پڑا۔آج یہاں کھیلے گئے میچ میں سنجے نے میچ کے ابتدائی تیسرے منٹ میں گول کر کے ہندوستانی ٹیم کو 1-0 کی برتری دلائی۔ تاہم اس کے ایک منٹ بعد آسٹریلیا کے ٹم برانڈ نے گول کر کے اسکور 1-1 سے برابر کر دیا۔ اگلے ہی منٹ میں بلیک گوورز نے گول کر کے آسٹریلیا کی برتری کو دوگنا کر کے اسکور 2-1 کر دیا۔ اس کے بعد کوپر برنز نے 18ویں منٹ میں گول کر کے اسکور 3-1 کر دیا۔ اس گول کے بعد ہندوستانی ٹیم دباؤ میں نظر آئی اور آسٹریلوی ٹیم نے جارحانہ کاکردگی کا مظاہرہ جاری رکھا۔ اس دوران دونوں ٹیموں کو پنالٹی کارنر ملے لیکن وہ اس کا فائدہ اٹھانے میں ناکام رہیں۔ پہلے ہاف کا اختتام آسٹریلیا کی دو گول سے برتری کے ساتھ ہوا۔دس منٹ کے وقفے کے بعد ہندوستانی ٹیم نے نئے جوش کے ساتھ میدان میں واپسی کی۔ 36ویں منٹ میں دلپریت نے شاندار فیلڈ گول کر کے اسکور کو 3-2 کر دیا۔ آخری کوارٹر میں کچھ ایسے لمحات تھے جب ہندوستان برابری کرکے واپسی کر سکتا تھا لیکن وہ موقع سے فائدہ نہیں اٹھا سکا۔