جلد ٹرافی دینے کا مطالبہ؛ACC چیف راضی نہیں ہوئے تو ICC میں ہوگی شکایت
ممبئی،21،اکتوبر(ایجنسی) بی سی سی آئی نے ایشین کرکٹ کونسل (اے سی سی) کے سربراہ محسن نقوی کو ای میل کیا ہے کہ وہ جلد از جلد ایشیا کپ کی ٹرافی بھارت کے حوالے کر دیں۔ اگر نقوی انکار کرتے ہیں تو یہ معاملہ انٹرنیشنل کرکٹ کونسل (آئی سی سی) کے ساتھ اٹھایا جائے گا۔ بی سی سی آئی کے سکریٹری دیوجیت سیکیا نے انڈیا ٹوڈے کے ایک پروگرام میں یہ معلومات شیئر کیں۔ نقوی پاکستان کرکٹ بورڈ کے چیئرمین بھی ہیں۔سیکیا نے کہاکہ “ہم نقوی کے جواب کا انتظار کر رہے ہیں۔ اگر وہ جواب نہیں دیتے یا منفی جواب دیتے ہیں تو آئی سی سی میں شکایت درج کرائی جائے گی۔”ہندوستان نے 28 ستمبر کو ایشیا کپ جیتا تھا۔ ہندوستانی ٹیم نے 28 ستمبر کو ایشیا کپ کے فائنل میں پاکستان کو شکست دے کر ٹرافی اپنے نام کی۔ فتح کے بعد ٹیم نے نقوی سے ایشیا کپ ٹرافی لینے سے انکار کر دیا۔ ہندوستان نے یہ موقف پہلگام دہشت گردانہ حملے کے احتجاج میں لیا تھا۔محسن نقوی اس کے بعد ٹرافی کے ساتھ دبئی کے اپنے ہوٹل واپس چلے گئے۔ اس کے بعد وہ پاکستان واپس آنے سے قبل دبئی میں اے سی سی کے دفتر میں ٹرافی چھوڑ گئے۔ نقوی نے بعد میں کہا کہ کوئی بھی ان کی رضامندی کے بغیر ٹرافی کو ہاتھ نہیں لگا سکتا۔اگر بھارتی کپتان سوریہ کمار یادیو چاہیں تو اے سی سی آفس آ کر ٹرافی لے سکتے ہیں۔نقوی نے ٹرافی خود پیش کرنے پر اصرار کیا۔ ایشیا کپ فائنل کے بعد نقوی نے ایشین کرکٹ کونسل کے چیئرمین کی حیثیت سے پریزنٹیشن تقریب میں شرکت کی۔ تقریب کے پریزینٹر سائمن ڈول نے کہا کہ ہندوستانی ٹیم ان سے ایوارڈ قبول نہیں کرے گی۔ ہندوستانی ٹیم اے سی سی کے ایک اور عہدیدار سے ٹرافی لینے کے لیے تیار تھی، لیکن نقوی نے اسے خود پیش کرنے پر اصرار کیا۔اس کے بعد تقریب کا اختتام ہوا، اور نقوی اپنے ساتھ ٹرافی اور تمغے لے کر اسٹیج سے چلے گئے۔بھارتی کھلاڑیوں نے اس سے قبل پورے ٹورنامنٹ میں پاکستانی کھلاڑیوں سے ہاتھ ملانے سے گریز کیا تھا۔ دریں اثنا، پاکستانی کھلاڑیوں نے بار بار 0-6 کا اشارہ کرتے ہوئے پاکستان کے اس جھوٹے دعوے کو دہرایا کہ پاکستان نے آپریشن سندور کے دوران چھ بھارتی لڑاکا طیاروں کو مار گرایا تھا۔نقوی نے کہا تھا، ’’میں وہاں کارٹون کی طرح کھڑا تھا۔ ایشیا کپ کے فائنل کے بعد، بی سی سی آئی نے اے سی سی کی سالانہ جنرل میٹنگ میں چیمپئن ہونے کے باوجود بھارت کو ٹرافی پیش نہ کیے جانے پر شدید احتجاج کیا۔ نقوی نے واضح کیا کہ انہیں تحریری طور پر کبھی نہیں بتایا گیا کہ ہندوستانی ٹیم ان سے ٹرافی قبول نہیں کرے گی۔ نقوی نے کہا کہ میں بغیر کسی وجہ کے کارٹون کی طرح وہاں کھڑا تھا۔
