آسٹریلیا اور میزبان ٹیم فیورٹ قرار
کولمبو،4 فروری (یو این آٗئی ) آئی سی سی مینز ٹی 20 ورلڈ کپ 2026 کے گروپ بی کے تمام مقابلے جزیرہ نما ملک سری لنکا میں منعقد ہوں گے۔ اس گروپ میں دو سابق عالمی چیمپئنز، آسٹریلیا اور میزبان سری لنکا سمیت آئرلینڈ، عمان اور زمبابوے کی ٹیمیں شامل ہیں۔ کولمبو اور کینڈی کی اسپن دوست پچز پر ہونے والے یہ مقابلے شائقینِ کرکٹ کے لیے انتہائی سنسنی خیز ثابت ہوں گے، جہاں بڑی ٹیموں کے ساتھ ساتھ ‘اپ سیٹ‘ کرنے میں ماہر ٹیمیں بھی موجود ہیں۔
- سری لنکا:(میزبان)2014 کی چیمپئن ٹیم ہوم کنڈیشنز کا بھرپور فائدہ اٹھانے کے لیے پرعزم ہے۔
کپتان: داسن شناکا،
طاقت: وانیندو ہسارنگا، مہیشا پاتھیرانا اور دشمنتھا چمیرا پر مشتمل مضبوط بولنگ اٹیک۔
بیٹنگ: پاتھم نسانکا اور کوسل مینڈس سے تسلسل کی توقعات وابستہ ہیں۔ - آسٹریلیا:2021 کی فاتح ٹیم تجربہ کار کھلاڑیوں کے ساتھ میدان میں اترے گی۔
کپتان: مچل مارش
بیٹنگ: ٹریوس ہیڈ، گلین میکسویل اور کیمرون گرین کسی بھی بولنگ اٹیک کو تہس نہس کرنے کی صلاحیت رکھتے ہیں۔ بولنگ: ایڈم زمپا اور نوجوان کوپر کونولی اسپن کے شعبے میں کلیدی کردار ادا کریں گے۔ - آئرلینڈ:آئرش ٹیم کا ہدف سپر ایٹ مرحلے تک رسائی حاصل کرنا ہے۔
اہم کھلاڑی: تجربہ کار پال اسٹرلنگ، جارج ڈاکریل اور لورکن ٹکر ٹیم کی ریڑھ کی ہڈی ہیں۔
بولنگ: فاسٹ بولر جوش لٹل اور نوجوان میتھیو ہمفریز حریفوں کیلئےمشکلات پیدا کر سکتے ہیں۔ - زمبابوے:دو سال کے وقفے کے بعد واپسی کرنے والی زمبابوے کی ٹیم بڑی ٹیموں کو پریشان کرنے کی شہرت رکھتی ہے۔نمایاں کھلاڑی: کپتان سکندر رضا اور تجربہ کار برینڈن ٹیلر کے ساتھ ساتھ نوجوان ٹیلنٹ برائن بینیٹ پر نظریں ہوں گی۔
- عمان:ایشیا کوالیفائر سے جگہ بنانے والی عمان کی ٹیم چوتھی بار عالمی میلے کا حصہ بن رہی ہے۔
کلیدی کھلاڑی: کپتان جتیندر سنگھ اور وکٹ کیپر ونائک شکلا بیٹنگ میں اہم ستون ہیں۔
میچز کا انعقاد
آئی سی سی کے مطابق گروپ بی کے تمام میچز سری لنکا کے مختلف شہروں میں کھیلے جائیں گے، جس کے لیے سکیورٹی اور انتظامی تیاریاں حتمی مراحل میں ہیں۔ میزبان ملک کے لیے یہ ٹورنامنٹ اپنی کرکٹ کی بحالی اور عالمی سطح پر اپنی تنظیمی صلاحیتیں منوانے کا بہترین موقع ہے۔
