ابہا میں الاتحاد کے پوائنٹس ضائع

الفتح کی لگاتار پانچویں فتح

ریاض، 14 جنوری (یو این آئی )سعودی پرو لیگ کے میچ ڈے 15 میں دفاعی چیمپئن الاتحاد کو ابہا میں دمک کے خلاف 1-1 کے ڈرا پر اکتفا کرنا پڑا، جس کے ساتھ عرب کپ کے بعد ان کی مسلسل فتوحات کا سلسلہ ختم ہو گیا۔الایتحاد، جو گزشتہ سال 8 نومبر سے مسلسل فتوحات سمیٹ رہی تھی، اس بار دمک کی مضبوط دفاعی حکمتِ عملی کے سامنے بے بس نظر آئی۔پرنس سلطان بن عبدالعزیز اسٹیڈیم میں کھیلے گئے میچ میں دمک نے 37ویں منٹ میں عبداللہ القحطانی کے گول سے برتری حاصل کی، تاہم آٹھ منٹ بعد الاتحاد نے موسیٰ دیابی اور مہند الشنقیطی کی مدد سے اسکور برابر کر دیا۔ دوسرے ہاف میں کریم بینزیما انجری کے باعث باہر ہو گئے، جبکہ اختتامی لمحات میں فابینہو کو ریڈ کارڈ دکھایا گیا۔دوسری جانب الفتح نے الریاض کو 3-1 سے شکست دے کر مسلسل پانچویں کامیابی حاصل کی اور پوائنٹس ٹیبل پر اپنی پوزیشن مستحکم کر لی۔ نجران میں الاخدود نے الخلود کو 0-1 سے ہرایا۔میچ ڈے 15 کا اختتام بدھ کو القادسیہ بمقابلہ الفیحا اور الاہلی بمقابلہ التعاون کے اہم مقابلوں سے ہوگا۔