رسالدار شاہ بابا درگاہ کمیٹی نے سنی وقف بورڈ کے نومنتخب چیئرمین ڈاکٹر سرفراز احمد کا استقبال کیا
41views
جدید بھارت نیوز سروس
رانچی، 25ستمبر: رسالدار شاہ بابا درگاہ کمیٹی کے چیئرمین ایوب گدی کی قیادت میں بدھ کو سنی وقف بورڈ کے انتخابات مکمل ہونے کے بعد نومنتخب چیئرمین ڈاکٹر سرفراز احمد کا ان کی رہائش گاہ پر شال اور پھولوں کا گلدستہ دے کر استقبال کیا گیا۔ اس موقع پر ڈاکٹر سرفراز احمد نے بھی درگاہ کمیٹی کو سلام پیش کیا اور درگاہ کمیٹی کی جانب سے کئے جانے والے کاموں کو خوب سراہا اور رسالدار شاہ بابا کو عرس کے کامیاب انعقاد پر مبارکباد دیتے ہوئے کہا کہ میں بہت جلد بابا کے مزار پر چادر پوشی کرنے آئوںگا۔ اس موقع پر درگاہ کمیٹی کے چیئرمین ایوب گدی، وائس چیئرمین رضوان حسین اور بلال احمد، جوائنٹ سیکرٹری ذوالفقار علی بھٹو،ایگزیکٹو ممبر خلیقل سمیت سید ابو قحافہ حجازی، شاہد خان موجود تھے۔
