ماسکو، 23 اکتوبر (یو این آئی) روس کے صدر ولادی میر پوتن نے کہا ہے کہ چین کے ساتھ ہمارا تعاون عالمی توازن کو برقرار رکھنے والے عناصر میں سے ایک ہے۔انہوں نے کہا ہے کہ “گذشتہ سال چین اور روس نے باہمی تجارت میں ریکارڈ قائم کیا۔ منفی خارجہ اثرات کے باوجود دونوں ممالک معاشی ترقی اور تعاون کا رجحان جاری رکھے ہوئے ہیں۔”چین کے صدر شی جن پنگ نے روس کے زیر انتظام ‘ جمہوریہ تاتارستان کے دارالحکومت قازان میں منعقدہ ‘برکس سربراہی اجلاس ‘کے دوران صدر پوتن کے ساتھ ملاقات کی۔مذاکرات میں صدر پوتن نے کہا ہے کہ چین کے ساتھ طے شدہ معاہدوں کے تحت توانائی، صنعت، جدید ٹیکنالوجی، نقل و حمل اور زراعت جیسے شعبوں میں متعدد مشترکہ منصوبے شروع کیے گئے ہیں۔چین کے ساتھ تعاون کی اہمیت پر زور دیتے ہوئے انہوں نے کہا ہے کہ “روس۔چین تعاون عالمی سطح پر توازن کے اہم عناصر میں سے ایک ہے۔ ہم عالمی سلامتی اور منصفانہ عالمی نظام کی یقینی دہانی کے لیے تمام کثیر الجہتی پلیٹ فارموں پر رابطے میں مزید اضافے کے خواہش مند ہیں۔” دونوں ممالک کے درمیان تجارتی تعلقات کا جائزہ لیتے ہوئے پوتن نے کہا ہے کہ”گذشتہ سال باہمی تجارت میں ریکارڈ قائم کرنے کے بعد، روس اور چین، منفی خارجہ اثرات کے باوجود معاشی ترقی اور تعاون کے رجحان پر برقرار ہیں۔ رواں سال جنوری سے اگست کے دوران ہمارے باہمی تجارتی حجم میں 4.5 فیصد کا اضافہ ہوا ہے”۔شی نے اپنے خطاب میں کہا ہےکہ چین اور روس کے باہمی تعلقات “دو بڑی طاقتوں” کے باہمی تعلقات ہیں۔
اور ان تعلقات کا مقصد کسی تیسرے فریق کو ہدف بنانا نہیں ہے۔چین کے صدر شی جن پنگ نے بھی دنیا کے بنیادی تبدیلی کے عمل سے گزرنے کا ذکر کیا اور کہا ہے کہ “برکس کو ،ترقی پذیر دنیا اور ابھرتی ہوئی منڈیوں والے ممالک کے باہمی اتحاد کے اہم ترین پلیٹ فارموں میں سے ایک قرار دیا جا سکتا ہے۔ یہ تنظیم، مساوی، منظم کثیر القطبیت اور عمومی طور پر جامع معاشی عالمگیریت کی تشکیل کے لیے ایک بطور ایک عنصر کام کر رہی ہے”۔
