کولکاتہ،یکم جنوری :۔ مغربی بنگال کی وزیر اعلیٰ ممتا بنرجی نے پیر کو ترنمول کانگریس کے یوم تاسیس کے موقع پر پارٹی کارکنوں کو مبارکباد دی اور کسی بھی بری طاقت کے خلاف لڑنے کی اپیل کی۔ اس کے ساتھ انہوں نے عوام کے جمہوری حقوق کے تحفظ کے لیے جدوجہد جاری رکھنے کے پختہ عزم پر زور دیا۔ بنرجی نے یکم جنوری 1998 کو ترنمول کے قیام کی اہمیت کو مادر وطن کے احترام، ریاست کے مفادات کے لیے کام کرنے اور لوگوں کے جمہوری حقوق کے تحفظ کے پختہ یقین کے اظہار کے طور پر اجاگر کیا۔ ترنمول کے سربراہ نے سوشل میڈیا پلیٹ فارم X پر ایک بیان میں کہا، “میں اپنی پارٹی کے ہر کارکن اور حامی کی لگن اور ایثار کا عاجزی سے احترام کرتی ہوں۔” آج ترنمول خاندان کو ہر کسی کی محبت اور پیار سے نوازا گیا ہے۔ بنرجی نے ملک کے عام لوگوں کے لیے اپنی لڑائی جاری رکھنے کا عہد کیا۔ انہوں نے کہا، ’’یہ آپ کی غیر متزلزل حمایت سے ہے کہ ہم اس عظیم جمہوری ملک میں سب کے لیے اپنی آواز بلند کرتے رہیں گے۔ کسی بری طاقت کے سامنے ہتھیار نہیں ڈالیں گے۔‘‘ قابل ذکر ہے کہ سال 1998 میں ممتا بنرجی نے کانگریس سے الگ ہو کر ترنمول تشکیل دی تھی۔ یہ پارٹی 2011 میں بائیں محاذ کی حکومت کو شکست دے کر اقتدار میں آئی تھی۔ بنرجی، مغربی بنگال کی سیاست کی ایک اہم شخصیت ہیں انہوںنے 2016 اور 2021 کے اسمبلی انتخابات میں ترنمول کو زبردست کامیابی حاصل کی اور مسلسل تیسری بار وزیر اعلیٰ بنیں۔
— Mamata Banerjee (@MamataOfficial) January 1, 2024
