تمل ناڈو اسمبلی میں وقف بل سے دستبرداری کا مطالبہ کرتے ہوئے قرارداد منظور

تمل ناڈو وزیر اعلی سے ملاقات کرکے انڈین یونین مسلم لیگ کے قومی صدر نے شکریہ ادا کیا

چنئی29 مارچ ۔ (راست)۔ انڈین یونین مسلم لیگ (آئی یو ایم ایل ) کے قومی صدر پروفیسر کے ایم قادر محی الدین نے تمل ناڈو کے وزیر اعلی ایم کے اسٹالن جنہوں نے مرکزی حکومت کی طرف سے لائے گئے وقف ترمیمی بل کو واپس لینے کا مطالبہ کرتے ہوئے تمل ناڈو قانون ساز اسمبلی میں ایک قرارداد منظور کیا تھا۔ مسلم لیگ کے قومی صدر پروفیسر کے ایم۔ قادر محی الدین نے ذاتی طور پر ملاقات کی اور تمل ناڈو کے وزیر اعلی ایم کے اسٹالن سے اظہار تشکر کیا۔ واضح رہے کہ گزشتہ 27مارچ 2025کو تمل ناڈو قانون ساز اسمبلی میں لوک سبھا میں مرکزی حکومت کے ذریعہ متعارف کرائے گئے وقف ترمیمی بل کو واپس لینے کے لیے وزیر اعلی ایم کے ا سٹالن نے قرارداد لایا اور اسے تمام پارٹیوں کی حمایت سے منظور کر لیا گیا۔اس ضمن میں انڈین یونین مسلم لیگ کے قومی صدر پروفیسر کے ایم قادر محی الدین کی قیادت میں ریاستی جنرل سکریٹری کے اے ایم محمد ابوبکر ، ریاستی سکریٹری آڈوتھرائی اے ایم شاہ جہاں، مسلم اسٹوڈنٹس فیڈریشن کے قومی جنرل سکریٹری ایس ایچ محمد ارشد اور دیگرنے چنئی سکریٹریٹ میں تمل ناڈو کے وزیر اعلی ایم کے اسٹالن سے ملاقات کی ۔ اس موقع پر تمل ناڈو حکومت کی جانب سے 8,000 محلہ جماعتوں کو رمضان میں افطار کے لیے گنجی کے لیے چاول فراہم کیے جانے اور تمل ناڈو کے مسلمانوں کے طرف سے عازمین حج کے لیے ایک دیرینہ مطالبے کے جواب میں، ننگنالور، چنئی میں جلد ہی ایک حج ہائوس تعمیر کرنے کا اعلان اور بی جے پی حکومت کی طرف سے لائے گئے وقف ترمیمی بل کو واپس لینے پر زور دینے والی قرارداد کی منظوری کے لیے دلی تعریف اور شکریہ ادا کیا۔میٹنگ کے دوران نائب وزیر اعلیٰ ادھیانیدھی اسٹالن، چیف سکریٹری این مروگنانتم ،، وزیر اعلیٰ کے سکریٹریز ڈاکٹر بی اوماناتھ ، ڈاکٹر ایم ایس شنموگم، جوائنٹ سکریٹری جی لکشمی پتی، چیف منسٹر کے پرنسپل پرائیویٹ سکریٹری آر دنیش کمار موجود تھے۔اس ملاقات کے دوران انہوں نے تمل ناڈو کے وزیر اعلیٰ پر زور دیا کہ وہ مدورائی میں انڈین یونین مسلم لیگ تمل ناڈو اسٹیٹ جنرل کمیٹی کے حالیہ اجلاس میں منظور کی گئی درج ذیل قراردادوں پر غور کریں اور مناسب کارروائی کریں۔