میڈیکل اسٹارٹ اپس کو حقیقی طبی ماحول میں اپنے حل آزمانے کا موقع
نوئیڈا، 3 جنوری:۔ (ایجنسی) قومی راجدھانی دہلی کے قریب گریٹر نوئیڈا کے گورنمنٹ انسٹی ٹیوٹ آف میڈیکل سائنسز (جی آئی ایم ایس) میں ہندوستان کے پہلے اے آئی کلینک کا آن لائن افتتاح کیا گیا۔ اس کلینک کی شروعات ایڈیشنل ڈائرکٹر جنرل آف ہیلتھ سروسز (اے ڈی جی ایچ ایس)، حکومت ہند نے سینٹر فار میڈیکل انوویشن کے تحت کی۔یہ کلینک اسٹارٹ اپس کو حقیقی دنیا کے طبی ماحول میں اے آئی پر مبنی حل تیار کرنے، تجربہ کرنے اور توثیق کرنے کا موقع فراہم کرے گا۔ اس کا مقصد کلینکل اے آئی، میڈیکل امیجنگ، کلینیکل ڈسیژن سپورٹ، ورک فلو آپٹیمائزیشن، مریض کی حفاظت اور ڈیٹا پر مبنی صحت کے حل تیار کرنے والے اسٹارٹ اپس کی معاونت کرنا ہے۔آن لائن افتتاحی تقریب میں ہندوستان اور بیرون ملک سے 100 سے زائد افراد نے شرکت کی، جن میں ڈاکٹر، محققین، پالیسی ساز اور اسٹارٹ اپس شامل تھے۔ محکمہ فارماسیوٹیکل کے جوائنٹ سکریٹری نے اسے طبی آلات اور اے آئی صحت کیلئے اہم قومی پلیٹ فارم قرار دیا۔جی آئی ایم ایس کے ڈائریکٹر پروفیسر راکیش کمار گپتا نے کہا کہ یہ پہل اسٹارٹ اپس کیلئےنئے مواقع اور رسائی فراہم کرے گی اور جدت کو مریضوں اور معالجین تک براہِ راست پہنچائے گی۔ بین الاقوامی ماہرین اور آئی آئی ٹی اداروں کی شراکت نے تقریب کو عالمی جہت دی۔شرکاء نے اترپردیش حکومت کی دور اندیشی کی تعریف کی اور اسے ملک کیلئے مثالی قدم قرار دیا۔ 6 جنوری کو مجوزہ فزیکل لانچ کیلئے اسٹارٹ اپس اور معالجین میں جوش و خروش پایا گیا۔
