شیخ محمد بن زید النہیان ہندوستان پہونچ گئے

نئی دہلی، 19 جوری:۔ (ایجنسی) وزیر اعظم نریندر مودی نے پیر کو متحدہ عرب امارات کے صدر شیخ محمد بن زاید النہیان کا دہلی ہوائی اڈے پر استقبال کیا، جس سے یہ اشارہ ملتا ہے کہ ہندوستان النہیان کے دورے کو اہمیت دیتا ہے۔ وزارت خارجہ کے جاری کردہ شیڈول کے مطابق النہیان قومی دارالحکومت میں دو گھنٹے سے بھی کم وقت کے لیے ہوں گے۔ متحدہ عرب امارات کے صدر کا دورہ ہندوستان مغربی ایشیا کی صورت حال کے درمیان آیا ہے، جس میں ایران-امریکہ کے تعلقات میں بگاڑ، یمن پر سعودی عرب اور یو اے ای کے درمیان بڑھتی ہوئی کشیدگی اور غزہ میں غیر مستحکم سیاسی منظر نامے شامل ہیں۔