انڈین پولیس سروس کے پروبیشنرز افسران نے صدر جمہوریہ سے ملاقات کی

نئی دہلی، 30 ستمبر (ہ س)۔ انڈین پولیس سروس کے 76 آر آر پروبیشنرز افسران کے ایک گروپ (2023 بیچ) نے پیر کو راشٹرپتی بھون میں صدر دروپدی مرمو سے ملاقات کی۔ اس موقع پر خطاب کرتے ہوئے صدر دروپدی مرمو نے کہا کہ امن و امان برقرار رکھنے، انصاف کو یقینی بنانے اور شہریوں کے حقوق کے تحفظ کے بغیر ترقی ایک بے معنی لفظ بن جاتی ہے۔ انہوں نے انڈین پولیس سروس کے پروبیشنرز افسران کو مشورہ دیا کہ وہ یاد رکھیں کہ ‘آئی پی ایس’ میں ‘ایس’ کا مطلب سروس ہے۔صدر جمہوریہ نے کہا کہ مختلف آل انڈیا سروسز میں انڈین پولیس سروس کی اپنی ایک خاص اہمیت ہے۔ امن و امان نہ صرف گورننس کا سنگ بنیاد ہے بلکہ یہ جدید ریاست کی بنیاد بھی ہے۔ آسان الفاظ میں یہ بھی کہہ سکتے ہیں کہ بہت سی جگہوں اور بہت سے حالات میں وہ ساتھی شہریوں کے لیے ریاست کا چہرہ ہوں گے اور ریاست کی انتظامی مشینری سے ان کا پہلا رابطہ ہوگا۔صدر جمہوریہ نے کہا کہ چونکہ ہندوستان آنے والے سالوں میں نئی بلندیوں کو چھونے کا ارادہ رکھتا ہے، آئی پی ایس افسران کا کردار اور بھی اہم ہو جاتا ہے۔ معاشی ترقی اور سماجی ترقی اسی صورت میں ممکن ہے جب قانون کی حکمرانی برقرار ہو۔ امن و امان برقرار رکھنے، انصاف کو یقینی بنانے اور شہریوں کے حقوق کے تحفظ کے بغیر ترقی ایک بے معنی لفظ بن جاتی ہے۔صدر جمہوریہ نے حالیہ برسوں میں خواتین آئی پی ایس افسران کی تعداد میں تیزی سے اضافے پر خوشی کا اظہار کیا۔ انہوں نے کہا کہ ان کی بڑھتی ہوئی تعداد پولیسنگ کے مجموعی کردار کو بہتر بنا سکتی ہے، پولیس اور کمیونٹی تعلقات کو بہتر بنا سکتی ہے اور قوم کے لیے بھی فائدہ مند ثابت ہوگی۔ صدر نے کہا کہ امن و امان کی بحالی، جرائم کی روک تھام اور سراغ لگانے اور پولیسنگ کے دیگر پہلوؤں نے ٹیکنالوجی میں ترقی سے فائدہ اٹھایا ہے۔ تاہم اس کا دوسرا پہلو یہ ہے کہ مجرم اور دہشت گرد بھی ٹیکنالوجی کا سہارا لے رہے ہیں۔ جب دنیا بھر میں سائبر کرائمز اور سائبر جنگیں بڑھ رہی ہیں، آئی پی ایس افسران سے توقع کی جائے گی کہ وہ ٹیک سیوی ہوں گے اور مجرموں سے ایک قدم آگے رہیں گے۔ صدر جمہوریہ نے کہا کہ آئی پی ایس افسران کے کندھوں پر جو بڑی ذمہ داریاں ڈالی گئی ہیں وہ بعض اوقات بہت دباؤ کا شکار ہو سکتی ہیں۔ اس لیے انہیں اپنی ذہنی صحت کو کبھی نظر انداز نہیں کرنا چاہیے۔ انہوں نے انہیں یوگ، پر نایام اوروشرام تکنیک کو اپنے روزمرہ کے معمولات کا حصہ بنائیں۔ انہوں نے انہیں یہ بھی یاد رکھنے کا مشورہ دیا کہ ‘آئی پی ایس’ میں ‘ایس’ کا مطلب سروس ہے۔ انہوں نے کہا کہ ان کا سب سے بڑا نعرہ ملک اور اس کے شہریوں کی خدمت ہے۔