پرکاش پرب کے موقع پر وزیراعظم مودی کا گرو تیغ بہادر جی کو خراجِ عقیدت

نئی دہلی، 07 اپریل (یو این آئی) گرو تیغ بہادر جی کے پرکاش پورب کے مقدس موقع پر، وزیراعظم نریندر مودی نے منگل کو انہیں نذرانہ عقیدت پیش کیا انہوں نے سکھ گرو کو ایک عظیم روحانی شخصیت کے طور پر یاد کیا جن کی زندگی جرات، قربانی اور ہمدردی کی مثال تھی سوشل میڈیا پلیٹ فارم ‘ایکس، پر شیئر کی گئی ایک پوسٹ میں وزیراعظم نے گرو تیغ بہادر کی لازوال میراث اور اخلاقی قوت کو اجاگر کیا انہوں نے لکھا “سری گرو تیغ بہادر جی کے پرکاش پورب کے مقدس موقع پر، میں اپنی تہذیب کی ایک عظیم روحانی شخصیت کو خراجِ عقیدت پیش کرتا ہوں۔ ان کی زندگی بے خوفی، قربانی اور انسانیت کے لیے گہری فکر کی ایک روشن مثال تھی۔”اصولوں کے ساتھ گرو جی کی غیر متزلزل وابستگی پر زور دیتے ہوئے مسٹر مودی نے مزید کہا “وہ شدید مصائب کے باوجود سچائی، وقار اور عقیدے کے دفاع میں ثابت قدم رہے۔ دعا ہے کہ ان کا ابدی پیغام ہمیں ایک منصفانہ، ہمدرد اور ہم آہنگ معاشرے کی تشکیل میں رہنمائی فراہم کرتا رہے۔”سکھ مت کے نویں گرو، گرو تیغ بہادر جی کو مذہبی ظلم و ستم کے خلاف ڈٹ جانے اور ہر فرد کے اپنے عقیدے پر آزادانہ عمل کرنے کے حق کے تحفظ کے لیے دی گئی عظیم قربانی کی وجہ سے بڑے پیمانے پر احترام کی نظر سے دیکھا جاتا ہے۔ 1675 میں ان کی شہادت ہندوستانی تاریخ کا ایک اہم موڑ ہے، جو جبر کے خلاف مزاحمت اور انسانی حقوق کے تحفظ کی علامت ہے۔ملک بھر میں عقیدت مندوں نے پرکاش پورب کے موقع پر دعاؤں، کیرتن اور کمیونٹی سروس (لنگر و خدمت) کے ذریعے گرو جی کی بے لوث خدمت، مساوات اور استقامت کی تعلیمات کو یاد کیا۔ وزیراعظم کے پیغام میں انہی جذبات کی عکاسی کی گئی اور شہریوں سے اپیل کی گئی کہ وہ گرو جی کی زندگی سے تحریک حاصل کریں اور ایک زیادہ شمولیت اور ہمدرد معاشرے کے لیے کام کریں۔