مہاراشٹر کے نائب وزیر اعلیٰ اجیت پوار سمیت5دیگر افراد طیارہ حادثے میں ہلاک

پونہ، 28 جنوری (ہ س) مہاراشٹر کے نائب وزیر اعلیٰ اجیت پوار کا طیارہ بدھ کی صبح گر کر تباہ ہو گیا۔ یہ حادثہ پونے ضلع کے بارامتی میں لینڈنگ کے دوران پیش آیا۔ ابتدائی معلومات کے مطابق اجیت پوار ایک انتخابی ریلی کے لیے ممبئی سے بارامتی جا رہے تھے۔ حادثے میں اجیت پوار سمیت طیارے میں سوار 5افراد کی موت ہو گئی، ڈائریکٹوریٹ جنرل آف سول ایوی ایشن (ڈی جی سی اے) نے اس کی تصدیق کی ہے۔ معلومات کے مطابق اجیت پوار ایک انتخابی ریلی کے لیے بدھ کی صبح ممبئی سے بارامتی کے لیے روانہ ہوئے۔ حادثہ صبح 9 بجے تکنیکی خرابی کے باعث ہنگامی لینڈنگ کے دوران پیش آیا۔ حادثے کی اطلاع ملتے ہی فائر بریگیڈ اور پولیس جائے وقوعہ پر پہنچیں۔ حادثے کی دل دہلا دینے والی ویڈیوز بھی سامنے آئی ہیں جن میں طیارے میں آگ لگتی دکھائی دے رہی ہے۔ اجیت پوار کی اہلیہ اور ایم پی سنیترا پوار اور ان کی بہن سپریا پوار واقعہ کی اطلاع ملتے ہی دہلی سے پونے کے لیے روانہ ہو گئے۔ اس کے ساتھ ہی نیشنلسٹ کانگریس پارٹی کے تمام بڑے لیڈر بھی پونے روانہ ہو گئے ہیں۔