بھارت نے اپنا پہلا سٹیٹ مائننگ ریڈی نیس انڈیکس جاری کیا

نئی دہلی۔ 22؍ اکتوبر۔ ایم این این۔ بھارت نے اپنا پہلا سٹیٹ مائننگ ریڈی نیس انڈیکس ‎ (SMRI) جاری کیا۔ وزارت کانکنی نے 16 اکتوبر 2025 کو بھارت کا پہلا سٹیٹ مائیننگ ریڈی نیس انڈیکس جاری کیا، جو کہ وفاقی بجٹ 2025-26 کا ایک حصہ ہے۔ یہ انڈیکسریاستوں کو ان کے معدنی شعبے میں تیاری، اصلاحات، کارکردگی اور پائیداری کی بنیاد پر درجہ بندی کرتا ہے۔ اس کے تحت ریاستیں تین زمروں میں تقسیم کی گئی ہیں، جن کا تعین ان کے معدنی وسائل کے حجم کی بنیاد پر کیا گیا ہے۔ زمرہ اے میںزیادہ معدنی وسائل والی ریاستی) ( گجرات، راجستھان اور مدھیہ پردیش نے اعلیٰ مقام حاصل کیا ہے۔زمرہ بی میںدرمیانی معدنی وسائل والی ریاستیں( آسام، اترپردیش اور گوا) نے اولین تین مقامات حاصل کیے۔ سی زمرہ میںکم معدنی وسائل والی ریاستیں پنجاب، تریپورہ، اتراکھنڈ نے اس زمرے میں سرِ فہرست مقام حاصل کیا۔ اس اقدام کا بنیادی مقصد یہ ہے کہ ریاستی سطح پر معدنی شعبے میں اصلاحات کو فروغ دیا جائے، شفافیت اور مؤثریت کو بڑھایا جائے، اور ریاستوں کے مابین صحت مند مقابلے کو فروغ دیا جائے۔ مزید برآں، یہ انڈیکس سرمایہ کاروں کے لیے بھی ایک اہم اشارہ ہے کہ کون سی ریاستیں معدنی شعبے میں اصلاحات کے لحاظ سے آگے ہیں، اور اس طرح توجہ یافتہ ترقیاتی علاقوں میں سرمایہ کاری کی راہیں ہموار ہو سکتی ہیں۔اگرچہ SMRI نے ابھی ابھی آغاز کیا ہے، مگر یہ قدم ریاستی اور مرکزی حکومت کے لیے ایک نیا ٹول ثابت ہو سکتا ہے — جو معدنی وسائل کے بہتر استعمال، معاشی ترقی اور ماحولیاتی تحفظ کے توازن کو یقینی بنانے میں مدد دے سکتا ہے۔