نئی دہلی، 19 فروری (یو این آئی) نئے چیف الیکشن کمشنر گیانش کمار اور الیکشن کمشنر ڈاکٹر وویک جوشی نے بدھ کے روز یہاں اپنے عہدے کا چارج سنبھال لیا مسٹر گیانیش کمار ہندوستان کے 26ویں چیف الیکشن کمشنر ہیں انہوں نے مسٹر راجیو کمار کی جگہ لی جن کی میعاد منگل کے روز ختم ہوگئی مسٹر گیانیش کمار کا الیکشن کمیشن ہیڈ کوارٹر میں الیکشن کمشنروں ڈاکٹر سکھبیر سنگھ سندھو اور ڈاکٹر وویک جوشی نے خیرمقدم کیا چیف الیکشن کمشنر مسٹر گیانیش کمار نے اپنی نئی ذمہ داری سنبھالنے کے بعد شہریوں بالخصوص نوجوان شہریوں کے نام مختصر پیغام میں کہا کہ انہیں ووٹ ڈالنے کی اپنی ذمہ داری پوری کرنی چاہیے۔ انہوں نے اسے ملک کی خدمت کی طرف پہلا قدم قرار دیا۔ مسٹر گیانیش کمار نے کہا کہ ووٹ ڈالنا ملک کی خدمت کی طرف پہلا قدم ہے اور اس لئے ہندوستان کے ہر شہری جو 18 سال کی عمر کو پہنچ چکا ہے اسے ووٹر بننا چاہئے اور الیکشن کمیشن ہندوستان کے آئین، عوامی نمائندگی ایکٹ، قوانین اور ان کے تحت جاری کردہ ہدایات کے مطابق ہمیشہ ووٹروں کے ساتھ رہا ہے، ہے اور رہے گا۔
ڈاکٹر جوشی ہریانہ کیڈر کے 1989 بیچ کے آئی اے ایس افسر ہیں۔ انہوں نے ہریانہ حکومت کے چیف سکریٹری اور مرکز میں محکمہ عملہ اور تربیت اور مالیاتی خدمات کے محکمے کے سکریٹری کے طور پر خدمات انجام دی ہیں۔اپنے طویل کیریئر کے دوران انہوں نے رجسٹرار جنرل اور مردم شماری کمشنر آف انڈیا اور ریاست ہریانہ میں پانچویں ریاستی مالیاتی کمیشن کے ممبر سکریٹری کے طور پر بھی خدمات انجام دیں۔اتر پردیش کے رہنے والے ڈاکٹر جوشی آئی آئی ٹی روڑکی سے مکینیکل انجینئر ہیں اور انہوں نے آئی آئی ایف ٹی، نئی دہلی سے بین الاقوامی کاروبار میں ماسٹرز اور گریجویٹ انسٹی ٹیوٹ، جنیوا (سوئٹزرلینڈ) سے انٹرنیشنل اکنامکس میں ایم اے اور ڈاکٹریٹ کی ڈگری حاصل کی ہے۔قابل ذکر ہے کہ پیر کو ہوئی میٹنگ میں وزیر اعظم کی صدارت والی سلیکشن کمیٹی نے ڈاکٹر جوشی کو الیکشن کمشنر منتخب کرنے کے علاوہ الیکشن کمشنر گیانیش کمار کو چیف الیکشن کمشنر مقرر کرنے کا فیصلہ کیا تھا۔ لوک سبھا میں اپوزیشن لیڈر راہل گاندھی نے کمیٹی کے فیصلوں پر اپنا اعتراض ظاہر کیا تھا۔مسٹر کمار اور ڈاکٹر جوشی نے آج چارج سنبھال لیا۔
گیانیش کمار اورڈاکٹر وویک جوشی نےچارج سنبھال لیا
