مدھو پور،۱۷؍اکتوبر :بجلی سپلائی برانچ کے جونیئر انجینئر محمد صیاد الدین نے مدھو پور تھانہ میں غیر قانونی بجلی چوری کے الزام میں تین افراد کے خلاف ایف آئی آر درج کرائی ہے۔ اسسٹنٹ الیکٹریکل انجینئر دیپک کمار اور جونیئر انجینئر نے مشترکہ طور پر معائنہ کیا۔ اس نے پولیس کو بتایا کہ وہ جھارکھنڈ الیکٹرسٹی ڈسٹری بیوشن کارپوریشن لمیٹڈ کے ہدایات کے محکمے کے دیگر مکینکس کے ساتھ شہر کےبھیڑوانواڈیہ میں اچانک معائنہ کے لیے گئے تھے،اس دورانبیڑوا ںواڈیہہ امبیڈکر لائبریری کے قریب تین مکانات کی بجلی کی لائنوں کی جانچ کی گئی۔ تفتیش کے دوران تین افراد اپنے گھر میں بائی پاس بجلی کا غیر قانونی استعمال کرتے ہوئے پکڑے گئے، دوسرے میٹر سے بائی پاس کی بجلی چوری ہونے سے محکمہ کو 50 ہزار روپے سے زائد کا نقصان ہوا ہے۔ محکمہ کی جانب سے ان پر جرمانہ عائد کیا گیا ہے۔ پولیس نے ایف آئی آر درج کر لی ہے اور تحقیقات کر رہی ہے۔ اس موقع پر لائن مین مُنمُن نندی، ادے کمار، محمد طفیل، سوگریو کمار، ٹنکو کماراور محکمہ بجلی کے دیگرملازمین موجود تھے۔
