کھڑگے، راہل، پرینکا نے عظیم شاعر والمیکی کو ان کے یوم پیدائش پر خراج عقیدت پیش کیا
نئی دہلی، 16 اکتوبر (یو این آئی) کانگریس صدر ملک ارجن کھڑگے، سابق صدر راہل گاندھی اور پارٹی کی جنرل سکریٹری پرینکا گاندھی واڈرا نے عظیم شاعر والمیکی کے یوم پیدائش پر ہم وطنوں کو مبارکباد پیش کرتے ہوئے رامائن کے مصنف مہارشی والمیکی کو خراج عقیدت پیش کیا ۔اس موقع پر مسٹر کھڑگے نے کہا ’’عظیم مذہبی صحیفہ رامائن کے مصنف عظیم شاعر مہارشی والمیکی جی کے یوم پیدائش پر تمام ہم وطنوں کو دل کی گہرائیوں سے مبارکباد۔ سچائی، تحمل، ہمت، پیار، خیر سگالی، مساوات اور ہم آہنگی کے پیغامبر مہارشی والمیکی جی کے کام ہمیں تپسیا، قربانی، محبت اور مسلسل فرض کے راستے پر آگے بڑھنے کی ترغیب دیتے ہیں اور ہمیں سماجی انصاف اور غریبوں کے حق میں کھڑے ہونا سکھاتے ہیں۔ “مسٹر گاندھی نے کہا “مہاکاوی رامائن کے خالق عظیم شاعر مہارشی والمیکی جی کے یوم پیدائش پر آپ سب کو نیک خواہشات۔ آج صبح اس مبارک موقع پر دہلی کے والمیکی مندر کا دورہ کیا۔ مہاتما گاندھی جی نے اس کمپلیکس میں والمیکی سماج کے ساتھ کافی وقت گزارا – باپو نواس میں کچھ وقت رہنے سے تحریک ملی۔ عظیم سنیاسی مہارشی والمیکی جی کو لاکھوں سلام جنہوں نے انسانیت کو سچائی، انصاف اور محبت اور ہمدردی کے ساتھ ہم آہنگی کا راستہ دکھایا۔‘‘محترمہ واڈرا نے کہا “عظیم مذہبی صحیفہ رامائن کے خالق اور سماجی تبدیلی اور مساوات کی علامت آدی کوی مہارشی والمیکی جی کے یوم پیدائش پر تمام ہم وطنوں کو تہہ دل سے مبارکباد۔ ایک زخمی پرندے کے لیے ہمدردی سے متاثر مہارشی والمیکی، جنہوں نے مہاکاوی لکھا، رحم، ہمدردی اور عدم تشدد کا پیغام دیا۔ ان کی زندگی کا پیغام ہندوستانی ثقافت کی بنیاد ہے جس سے کروڑوں لوگ تحریک لیتے ہیں۔
