جھارکھنڈ سے بہار لے جا رہے تھے غیر قانونی شراب

پولس نے گڈا میں کیا ضبط

جدید بھارت نیوز سروس
گڈا،24؍مئی: جھارکھنڈ کے گڈا ضلع کے للمٹیا تھانے کے تحت سفید بولیرو میں غیر قانونی انگریزی شراب ریاست بہار لے جائی جا رہی تھی۔ پولیس کی گاڑی کو آتے دیکھ کر بولیرو ڈرائیور گاڑی روک کر بھاگنے لگا لیکن پولیس فورس کی مدد سے اسے پکڑ لیا گیا۔ بولیرو گاڑی کی تلاشی کے دوران مختلف برانڈز کی غیر ملکی شراب کی بھاری کھیپ برآمد ہوئی۔ اس کے بعد مذکورہ بولیرو اور شراب کو ضبط کرکے ڈرائیور کو گرفتار کرلیا گیا۔
خفیہ اطلاع پر پولیس کی کارروائی
پولیس کے مطابق خفیہ اطلاع ملی تھی کہ لال مٹیا تھانہ علاقہ کے تحت سفید بولیرو میں غیر قانونی انگریزی شراب ریاست بہار میں لے جائی جارہی ہے۔ یہ اطلاع سینئرافسر کو دی گئی۔ پولیس سپرنٹنڈنٹ کی ہدایت کے مطابق ایک چھاپہ مار ٹیم تشکیل دی گئی اور فوری کارروائی کی گئی اور یہ پولیس اسٹیشن سے بواریجور کی طرف روانہ ہوئی۔جیسے ہی ٹیم لوہنڈیا بازار سے تھوڑی آگے بڑھی تو بواریجور کی سمت سے آنے والی ایک سفید بولیرو کار پولیس کی گاڑی کو دیکھ کر رک گئی۔ پولیس کو دیکھ کر ڈرائیور نے گاڑی کو کچھ فاصلے پر روکا اور بھاگنے کی کوشش کی تاہم پولیس فورس نے اس کا پیچھا کرکے اسے پکڑ لیا۔ گرفتار ڈرائیور کا نام اور پتہ پوچھنے پر اس نے اپنا نام پرنس کمار پودار (عمر- 25 سال)، والد- نرنجن پودار، ساکن- گورگاما، تھانہ- بوسی، ضلع- بانکا (بہار) بتایا۔ بولیرو گاڑی کی تلاشی لینے پر اس سے مختلف برانڈ کی غیر ملکی شراب برآمد ہوئی۔ ڈرائیور کے پاس شراب کی نقل و حمل کے لیے کوئی درست کاغذات نہیں تھے۔ اس کے بعد بولیرو گاڑی اور شراب کو ضبط کرلیا گیا اور ڈرائیور پرنس کمار پودار کو گرفتار کرلیا گیا۔