ہم جھارکھنڈ میں این آر سی لاگو کرائیں گے: نشی کانت دوبے

جدید بھارت نیوز سروس
دیوگھر،یکم ؍دسمبر:اسمبلی انتخابات ختم ہونے کے بعد بھی بی جے پی مسلسل جے ایم ایم اور ہیمنت حکومت پر حملہ کر رہی ہے۔ بی جے پی بنگلہ دیشی دراندازوں کا مسئلہ مسلسل اٹھا رہی ہے۔ اسی سلسلے میں گوڈا کے ایم پی نشی کانت دوبے نے بڑا بیان دیا ہے۔ انہوں نے کہا کہ ہم ریاست میں این آر سی کو نافذ کریں گے اور بنگلہ دیشی دراندازوں کو بوریوں میں بند کرکے ملک بدر کریں گے۔دوبے نےحکومت پر حملہ کرتے ہوئے ہیمنت نے کہا کہ انتخابات ختم ہونے کے بعد مندروں پر حملے ہو رہے ہیں۔ بی جے پی کارکنوں کو مسلسل نشانہ بنایا جا رہا ہے۔ دوبے نے کہا کہ بی جے پی ان تمام پیش رفت سے خوفزدہ نہیں ہے اور جب تک بی جے پی کارکن زندہ ہیں صرف ہندو مفادات کی بات کرتی رہے گی۔گوڈا کے ایم پی نے پولس پر الزام لگایا ہے کہ ملزموں کے خلاف پہلے کوئی کارروائی نہیں کی گئی لیکن میرے آنے کے بعد پولس نے جلد بازی میں 3 ملزمان کو گرفتار کرلیا۔ آپ کو بتاتے چلیں کہ پولیس نے مندر میں توڑ پھوڑ کیس میں اب تک تین ملزمان کو گرفتار کیا ہے۔ دوبے نے مزید کہا کہ ان مجرموں کو نہ صرف پکڑا جائے گا بلکہ انہیں عمر قید کی سزا دی جائے گی جب تک ان مجرموں کو عمر قید کی سزا نہیں دی جائے گی بی جے پی سکون سے نہیں بیٹھے گی۔