لائنز کلب کا فوڈ ٹو ہنگر پروگرام ،غریبوں اور بے سہاروں کو کھاناکھلایا

مدھو پور، 22 ؍نومبر: فوڈ ٹو ہنگر پروگرام کے تحت لائنز کلب آف مدھو پور نے شہر کے حاجی گلی میں کاجل ٹیکس ٹائل روڈ کے قریب غریب اور بے سہارا لوگوں میں کھانا تقسیم کیا۔ لائنز کلب آف مدھو پور کے صدر شوکت ناز نے کہا کہ لائنز کلب آف مدھو پور کے تمام ممبران سماجی خدمت کے جذبے سے بڑھ چڑھ کر حصہ لے رہے ہیں اور ضرورت مندوں کی مسلسل خدمت کر رہے ہیں۔ غریبوں کی خدمت اور لگن کے جذبے سے ان کی مدد کرنا ہی خدا کی حقیقی خدمت ہے۔ لائنز کلب کےسکریٹری ونود لکشی رام کا نے کہا کہ غریبوں اور ضرورت مندوں کو لذیذ اور غذائیت سے بھرپور کھانا فراہم کرنے سے بہت خوشگوار احساس ہوتا ہے۔ کلب کی جانب سے ایسے پروگرام کے انعقاد سے غریب اور بے سہارا لوگوں میں خوشی کی لہر دوڑ گئی اور کلب کی جانب سے ایسے پروگرام کو سراہا گیا۔ اس موقع پر سبیندو دے، وشال چورسیا، وجے لکشی رام کا، سنتوش کمار سمیت کئی کلب ممبران موجود تھے۔