جدید بھارت نیوز سروس
رانچی، 28 اپریل:۔ ریاستی حکومت نے خواتین کی شرکت بڑھانے کے لیے ایک بڑا قدم اٹھایا ہے۔ محکمہ دیہی ترقی نے مہاتما گاندھی نیشنل رورل ایمپلائمنٹ گارنٹی اسکیم (MGNREGA) کے تحت تمام اضلاع میں خواتین کی 50 فیصد شرکت کو یقینی بنانے کی ہدایت دی ہے۔ منریگا کمشنر مرتیونجے کمار برنوال نے عہدیداروں کو ہدایت دی ہے کہ وہ خواتین کے نام پر برسا ہریت گرام یوجنا، دیدی باری، دیدی بگیہ، تالاب وغیرہ جیسی اسکیموں کے لیے زیادہ سے زیادہ منظوری حاصل کریں۔ اس سے خواتین کو روزگار کے زیادہ سے زیادہ مواقع میسر آئیں گے۔ حکومت کا مقصد خواتین کی شرکت کو 40 سے 50 فیصد تک بڑھانا ہے۔ اس کے لیے تمام اضلاع کے عہدیداروں کو خواتین کی شرکت بڑھانے کے لیے خصوصی کوششیں کرنے کی ہدایت دی گئی ہے۔ حکومت نے کام کے معیار اور عام لوگوں کو اسکیموں کا فائدہ پہنچانے پر بھی زور دیا ہے۔ افسران کو کام کے معیار پر خصوصی توجہ دینے کی ہدایت دی گئی ہے۔ اسکیموں کو عام لوگوں تک پہنچانے کے لیے خصوصی کوششیں کریں اور اس بات کو یقینی بنائیں کہ ہر کسی کو اسکیموں کا فائدہ ملے۔
ہیمنت حکومت اب منریگا میں خواتین کی 50 فیصد شرکت کو یقینی بنائے گی
