سبودھ کانت سہائے کانالہ اسمبلی حلقہ کے کانگریسی کارکنوں سے خطاب
جدید بھارت نیوز سروس
رانچی/ جامتاڑا،13؍جون: سابق مرکزی وزیر سبودھ کانت سہائے نے جمعہ کو جامتاڑا ضلع کے نالہ اسمبلی حلقہ میں کانگریس پارٹی کے کارکنوں سے خطاب کرتے ہوئے کہا کہ پارٹی کی پالیسیوں اور اصولوں کو عوام تک لے جائیں۔ انہوں نے کہا کہ کانگریس پارٹی پانی، جنگل اور زمین کے تحفظ کے لیے پابند عہد ہے۔ یہ جھارکھنڈ کے قبائلیوں اور مقامی باشندوں سمیت تمام طبقات (تمام برادریوں) کی ترقی کے لیے وقف ہے۔ انہوں نے کہا کہ بی جے پی کی عوام دشمن پالیسیوں سے عوام پریشان ہیں۔ عوام مہنگائی سے پریشان ہیں۔ مرکزی حکومت صرف بڑے صنعتی گھرانوں اور بڑے سرمایہ داروں کے مفاد میں کام کر رہی ہے۔ اس کا عام لوگوں سے کوئی تعلق نہیں۔ انہوں نے کہا کہ ماضی میں کانگریس پارٹی کی حکومت کی طرف سے چلائی گئی کئی فلاحی اسکیموں کو مودی حکومت نے روک دیا ہے، جس کا خمیازہ عوام کو بھگتنا پڑ رہا ہے۔ سبودھ کانت سہائے نے کہا کہ عوام بی جے پی کے ہتھکنڈوں، چہرے اور کردار سے پوری طرح واقف ہیں۔عوام بی جے پی سے مایوس ہو رہے ہیں ۔ انہوں نے کانگریس پارٹی کارکنوں سے اپیل کی کہ وہ تنظیم کو مضبوط کریں اور پارٹی کے مفاد میں کام کریں۔اس موقع پر پنکج جھا، راجندر گھوش، پورنیما دھر، جلال الدین انصاری، گلشن علی، مرتیونجے ٹھاکر، لکھیندر بنرجی، تپن تیواری، سنت منڈل، جیتن منڈل، فخر الدین خان، نریش مرمو، ابھے سنگھ، دھیرج ناتھ سمیت پارٹی کارکنوں کی بڑی تعداد موجود تھی۔
مذہبی رسومات میں شرکت کی
سابق مرکزی وزیر سبودھ کانت سہائے نے بھی جمعہ کو جامتاڑا کے نالہ اسمبلی حلقہ میں منعقدہ مذہبی-روحانی رسم میں شرکت کی۔ انہوں نے وہاں پوجا کی اور یگیہ شالہ میں شرکت کرکے پورے سماج کی بھلائی کی دعا کی۔
