ڈی سی کی زیر صدارت ترقیاتی منصوبوں کا جائزہ اجلاس

اراضی کے حصول اور معاوضے کی ادائیگی میں تیزی لانے کی ہدایت

جدید بھارت نیوز سروس
رام گڑھ، 20؍ جنوری:بنیادی ڈھانچے، ایف آر اے، اراضی کے حصول اور مختلف منصوبوں کے سلسلے میں منگل کے روز ڈپٹی کمشنر رام گڑھ فیض احمد ممتاز کی صدارت میں کلکٹریٹ کے آڈیٹوریم میں ایک جائزہ اجلاس منعقد ہوا۔بھارت مالا پروجیکٹ، نیشنل ہائی وے 33، ریلوے اور سڑک کی تعمیر سے متعلق دیگر منصوبوں کے جائزے کے دوران، ڈپٹی کمشنر نے پیکیج وار معاوضے کی ادائیگی کی صورتحال کی معلومات حاصل کی۔ ڈپٹی کمشنر نے کاموں میں تیزی لانے کی ہدایت دی، وہیں متعلقہ علاقوں کے سرکل افسران (سی او) کو معاوضے کی ادائیگی کے عمل، گرام سبھا کے انعقاد اور دیگر طریقہ کار کو مکمل کرنے کے حوالے سے ضروری ہدایات جاری کیں۔ ڈپٹی کمشنر نے سی سی ایل (CCL)، محکمہ تعمیرات عامہ (PWD)، پی وی یو این ایل (PVUNL) سمیت دیگر منصوبوں کے حکام سے ان کے جاری کاموں کا جائزہ لیتے ہوئے ایف آر اے، این او سی (NOC)، زمین کے حصول اور زیر التواء مقدمات کی تفصیلات طلب کیں۔ انہوں نے متعلقہ افسران کو ہدایت دی کہ ان معاملات پر جلد از جلد کارروائی کرتے ہوئے انہیں نمٹایا جائے۔ڈپٹی کمشنر نے زون وار سرکل افسران سے ان کے علاقوں میں جاری منصوبوں میں زمین اور دیگر مسائل سے متعلق کاموں کی معلومات لینے کے بعد ہدایت دی کہ تمام معاملات پر بروقت کارروائی کرتے ہوئے ان کا تصفیہ کیا جائے۔ انہوں نے تمام منصوبوں کے حکام کو یہ بھی ہدایت دی کہ کام کے دوران پیش آنے والے مسائل سے ضلعی انتظامیہ کو باقاعدگی سے آگاہ کریں۔اجلاس میں ایڈیشنل کلکٹر رام گڑھ کماری گیتانجلی، سب ڈویژنل مجسٹریٹ انوراگ تیواری، لینڈ ریفارم ڈپٹی کلکٹر وجیندر کمار، ڈسٹرکٹ لینڈ ایکوزیشن آفیسر اور دیگر افسران موجود تھے۔