جدید بھارت نیوز سروس
چترا، 18 دسمبر:طے شدہ پروگرام کے مطابق، بدھ کو چترا ڈی آر ڈی اے کے ڈی ایم ایف ٹی ٹریننگ ہال میں نئی دِشا کے تحت محکمہ پولیس کی جانب سے عوامی شکایات کے ازالے کا پروگرام منعقد کیا گیا، اس پروگرام میں ڈی آئی جی اندرجیت مہتا مہمان خصوصی کے طور پر شامل ہوئے۔ محکمہ پولیس کے کئی دیگر افسران بھی موجود تھے۔ ڈی آئی جی نے کہا کہ ریاست کے وزیر اعلیٰ اور ڈی جی پی کی ہدایت پر پوری ریاست کے تمام اضلاع میں اس طرح کے پروگرام منعقد کیے جا رہے ہیں۔اس پروگرام میں مانیٹرنگ کے لیے اعلیٰ پولیس افسران کو تعینات کیا گیا ہے، اس طرح کے پروگرام کے ذریعے معمولی تنازعات کو موقع پر ہی حل کیا جائے گا۔سنگین مقدمات کو قانونی طریقے سے نمٹایا جائے گا، اس پروگرام سے بہت سے مسائل کو بروقت حل کرنے کی کوشش کی جائے گی۔قانونی کارروائی اور اس سے متعلق معاملات کو قانونی طریقے سے حل کیا جائے گا۔اس موقع پر ایس پی وکاس کمار پانڈے، ایس ڈی پی او سندیپ سمن، بی ڈی او ہری ناتھ مہتو، تھانہ انچارج وپن کمار اور دیگر تمام تھانہ انچارج اور پولس محکمہ کے افسران و اہلکار موجود تھے۔
چترا میں ’نئی دِشا ‘کے تحت عوامی شکایات کے ازالے کا پروگرام
