ریاست کی چار یونیورسٹیوں میں سینیٹ اور سنڈیکیٹ ارکان کی تشکیل کا مطالبہ
جدید بھارت نیوز سروس
رانچی، 16 دسمبر: کانگریس کی طلبہ تنظیم این ایس یو آئی کی قومی کنوینر آروشی وندنا کی قیادت میں این ایس یو آئی کے وفد نے جھارکھنڈ کانگریس کے ریاستی صدر کیشومہتو کملیش کو ایک میمورنڈم پیش کیا جس میں ریاست کی چار یونیورسٹیوں بشمول رانچی یونیورسٹی میں سینیٹ اور سنڈیکیٹ ممبران کی تشکیل کا مطالبہ کیا گیا۔ واضح رہے کہ کئی سالوں سے سینیٹ اور سنڈیکیٹ کے ارکان نہیں بنے۔ گرینڈ الائنس حکومت کے قیام کے بعد این ایس یو آئی کے لوگوں کو ایک امید ہے کہ انہیں اس حکومت میں جگہ ملے گی اور وہ طلباء کے مسائل کو اٹھائیں گے اور انہیں حل کریں گے۔اس موقع پر ریاستی صدر کیشو نے کہا کہ این ایس یو آئی کانگریس پارٹی کی ریڑھ کی ہڈی ہے۔ وہ اس بات کو یقینی بنانے کی ہر ممکن کوشش کریں گے کہ این ایس یو آئی کے لوگوں کو آگے آنے اور سینیٹ سنڈیکیٹ میں جگہ حاصل کرنے کا موقع ملے۔اس موقع پر نیشنل کوآرڈینیٹر آروشی وندنا، ریاستی صدر ونے اورائوں اور ریاست کے تمام عہدیدار موجود تھے۔
