زمین کا تنازع بھی حل ہو گیا
جدید بھارت نیوز سروس
رانچی، 14 جولائی:۔ رانچی کے ڈپٹی کمشنر منجوناتھ بھجنتری کے جنتا دربار میں ایک بار پھر لوگوں کی شکایات کا ازالہ کیا گیا۔ راہے کی گرووری دیوی، جو پچھلی بار اپنے بیٹے کے بارے میں شکایت لے کر آئی تھیں کہ ہمدردی کی بنیاد پر نوکری ملنے کے بعد بھی ان کا بیٹا اس کا ساتھ نہیں دے رہا، آج ڈپٹی کمشنر کا شکریہ ادا کرنے کے لیے اسی جنتا دربار میں مسکراتے ہوئے آئی تھی۔ اس نے کہا کہ جناب اب میرا بیٹا میری دیکھ بھال کے لیے تیار ہے، آپ کا بہت بہت شکریہ۔ دراصل گزشتہ بار ڈپٹی کمشنر نے فوری ایکشن لیتے ہوئے راہے زونل آفیسر اور اسٹیبلشمنٹ انچارج کو بیٹے کی تنخواہ روکنے کی ہدایت کی تھی۔ اس کارروائی کے بعد بیٹا ماں کے سامنے جھک گیا اور اب وہ اپنی ذمہ داری اٹھانے کو تیار ہے۔ آج بھی بڑی تعداد میں لوگ اپنے مسائل لے کر جنتا دربار پہنچے۔ زمینوں پر ناجائز قبضے، ڈبل جمع بندی، آن لائن رسید نہ ملنے، رجسٹر 2 میں تصحیح، تعلیم اور دیگر مفاد عامہ سے متعلق شکایات منظر عام پر آئیں۔ ڈپٹی کمشنر نے ہر شخص کی بات غور سے سنی اور افسران کو فوری ایکشن لینے کی ہدایت کی۔ ڈپٹی کمشنر بھجنتری نے کہا کہ ہر شہری کا مسئلہ حل کرنا انتظامیہ کی ذمہ داری ہے۔ جنتا دربار اس کے لیے بہترین پلیٹ فارم ہے، جہاں لوگ براہ راست مل کر اپنے خیالات کا اظہار کر سکتے ہیں۔
