وزیر ڈاکٹر عرفان انصاری نےآنجہانی روہت کے اہل خانہ سے ملاقات کی

اہل خانہ کو ہر ممکن مدددینے کی یقین دہانی کرائی

جدید بھارت نیوز سروس
جامتاڑا، ۲۱؍اکتوبر :آج دیہی ترقی کے وزیر ڈاکٹر عرفان انصاری نے شیولی باڑی کے چروندنگل گاؤں میں آنجہانی روہت ہیمبرم کے اہل خانہ سے ملاقات کی اور تعزیت کا اظہار کیا۔ 20 سالہ روہت مرمو، جو کچھ دن پہلے ایک سڑک حادثے میں اپنی جان سے ہاتھ دھو بیٹھا، اپنے پیچھے والدین اور دو چھوٹے بہن بھائیوں کو چھوڑ گیا۔ اس بے وقت موت نے پورا گاؤں سوگ میں ڈوب گیا۔وزیر نے لواحقین کو تسلی دی اور ہر ممکن مدد کی یقین دہانی کرائی۔ جب انہوں نے روہت کی چھوٹی بہن سے اس کا نام پوچھا تو اس نے انہیں “سونیا” بتایا۔ اس پر وزیر نے مسکراتے ہوئے کہا، اب آپ کا نام سونیا گاندھی ہے، آپ کو بھی سونیا گاندھی جی کی طرح ایک مضبوط اور طاقتور خاتون بننا ہے، میں جب بھی اس گاؤں میں آؤں گا، میں آپ کو سونیا گاندھی کے نام سے پکاروں گا۔”گاؤں والوں کا کہنا ہے کہ ڈاکٹر انصاری واحد لیڈر ہیں جو ہمیشہ ان کی خوشی اور غم میں ان کے ساتھ کھڑے ہوتے ہیں۔ روہت کے جانے سے جو خلا پیدا ہوا ہے وہ کبھی پر نہیں ہو سکتا، لیکن اس مشکل وقت میں وزیر کا تعاون خاندان کو نئی امید دے رہا ہے۔