دیہی خود روزگار تربیت پروگرام کو بہتر بنانے کیلئے میٹنگ

جدید بھارت نیوز سروس
رانچی، 3 مئی:۔ جھارکھنڈ کے نوجوانوں کو خود روزگار سے جوڑنے کے لیے جاری رورل سیلف ایمپلائمنٹ ٹریننگ انسٹی ٹیوٹ (RSETI) پروگرام کو مزید بہتر بنانے کی تیاریاں شروع ہو گئی ہیں۔ اس سلسلے میں جے ایس ایل پی ایس کے سی ای او کنچن سنگھ کی صدارت میں ایک اہم میٹنگ ہوئی۔ اس میں تمام اضلاع سے آر ایس ای ٹی آئی کے ڈائریکٹرز اور ڈسٹرکٹ مشن مینجمنٹ، بینک کے نمائندوں اور جے ایس ایل پی ایس کے عہدیداروں نے شرکت کی۔ میٹنگ میں کنچن سنگھ نے سب کو مل کر کام کرنے اور مقررہ اہداف کو وقت پر مکمل کرنے کی ہدایت کی۔
میٹنگ میں دی گئی ہدایات:
تمام RSETIs کے لیے ہر ماہ متحرک اور تربیتی کیلنڈر تیار کرنا لازمی ہے۔ تربیت حاصل کرنے والے نوجوانوں کو بنک قرضوں کی فراہمی کے عمل کو مزید مضبوط بنانا۔ ہر RSETI کو مختلف بینکوں کے مطابق اہداف دیے جائیں گے۔ اس کا مقصد زیادہ سے زیادہ نوجوانوں کو خود روزگار کے لیے مالی مدد فراہم کرنا ہے۔