ایم پی اور ایم ایل ای کے خلاف زیر التوا معاملے جلد نمٹائے جائیں
جدید بھارت نیوز سروس
رانچی، 22 دسمبر:۔ جھارکھنڈ ہائی کورٹ نے ریاست کے ممبران پارلیمنٹ اور ایم ایل ایز کے خلاف زیر التواء فوجداری مقدمات کو تیزی سے نمٹانے کے سلسلے میں سخت موقف اختیار کیا ہے۔ پیر کو ہائی کورٹ کے جج جسٹس رنگون مکوپادھیائے کی سربراہی میں ایک ڈویژن بنچ نے از خود دائر کیس کی سماعت کی۔ سماعت کے دوران، عدالت نے زبانی طور پر سی بی آئی کو ہدایت دی کہ وہ فوجداری مقدمات کو تیز کرے جن میں ایم پی اور ایم ایل اے شامل ہیں۔ عدالت نے یہ بھی ریمارکس دیئے کہ ٹرائل میں طویل تاخیر گواہوں کو متاثر کرتی ہے۔ ریاستی حکومت نے عدالت کو مطلع کیا کہ اس کے پاس فی الحال ایم پی اور ایم ایل اے کے دو بڑے مجرمانہ کیس زیر التوا ہیں۔ سماعت کے دوران سی بی آئی نے اسٹیٹس رپورٹ داخل کرنے کے لیے اضافی وقت کی درخواست کی۔ عدالت نے سی بی آئی کی درخواست کو قبول کرتے ہوئے اگلی سماعت کے لیے 11 فروری کی تاریخ مقرر کی۔
