کونسلر جمیلہ خاتون نے گھر پہنچ کر دی مبارکباد
جدید بھارت نیوز سروس
رانچی ، 07؍ مارچ: رانچی: ڈورنڈا کے منی ٹولہ فردوس نگر کے رہنے والے اشتیاق رحمان نے یو پی ایس سی (UPSC) کے امتحان میں آل انڈیا 354 واں رینک حاصل کر کے شہر اور ملک میں وارڈ 49 کا مان بڑھایا ہے۔ جس کی وجہ سے پورے وارڈ 49 میں جشن کا ماحول ہے۔ اس موقع پر وارڈ کی مقبول نو منتخب کونسلر جمیلہ خاتون نے اشتیاق کے گھر پہنچ کر ان کے اہل خانہ کو مبارکباد دی۔موقع پر انہوں نے کہا کہ اشتیاق کی رانچی واپسی پر وارڈ 49 میں ان کا شاندار استقبال کیا جائے گا۔ ساتھ ہی وارڈ میں بچوں اور بچیوں کی بہتر تعلیم کے لیے آنے والے وقت میں اہم اقدامات کیے جائیں گے۔جس طرح آج اشتیاق نے پورے وارڈ 49 کا نام روشن کیا ہے، اسی طرح دیگر بچے بھی اچھی تعلیم حاصل کر کے اپنے وارڈ کا نام روشن کریں، میں اس سمت میں کام کروں گی۔ اس موقع پر سماجی کارکن رضوان حسین، محمد شاہد، محمد منا، محمد صاحب، شاہد خان، ابراہیم رضا، محمد اسلم سمیت کئی معززین موجود تھے۔
