مہوا مانجی کے ہاتھوں رانچی میں آرکڈ میڈیکل سینٹر کے جدید برن یونٹ کا افتتاح

جدید بھارت نیوز سروس
رانچی، 7 اکتوبر:۔ آرکڈ میڈیکل سینٹر رانچی میں جدید سہولیات سے آراستہ برن یونٹ کا باقاعدہ افتتاح کر دیا گیا۔ یہ یونٹ 7 اکتوبر کو رکن پارلیمنٹ ڈاکٹر مہوا منجی کے دستِ مبارک سے افتتاح پذیر ہوا۔ افتتاحی تقریب میں تمام سینئر ڈاکٹرز، نرسنگ اسٹاف، اور ہسپتال انتظامیہ کے اراکین موجود تھے۔یہ جدید برن یونٹ معروف برن، پلاسٹک اور ری کنسٹرکٹیو سرجن ڈاکٹر نیہا مقیم کی قیادت میں کام کرے گا، جبکہ ڈاکٹر دیپک، ہیڈ آف ڈیپارٹمنٹ (ایچ او ڈی)، کریٹیکل کیئر یونٹ، بطور معاون اپنی خدمات انجام دیں گے۔اس موقع پر ڈاکٹر مہوا منجی نے اورکڈ میڈیکل سینٹر کی کاوشوں کو سراہتے ہوئے کہا:”یہ قدم رانچی سمیت پورے جھارکھنڈ کے لیے ایک نعمت ثابت ہوگا۔ برن پیشنٹس کے لیے معیاری اور بروقت علاج کی فراہمی ایک بہت بڑی ضرورت تھی، جسے اورکڈ میڈیکل سینٹر نے پورا کیا ہے۔”ڈاکٹر نیہا مقیم نے کہا کہ برن مریضوں کے علاج میں فوری اور مؤثر اقدام نہایت اہم ہوتا ہے۔ “ہماری ٹیم مکمل تربیت یافتہ ہے اور ہم نہ صرف ابتدائی علاج بلکہ طویل مدتی بحالی کے لیے بھی پرعزم ہیں،” انہوں نے مزید کہا۔یہ یونٹ جدید طبی آلات، اسپیشل آئی سی یو بیڈز، اور ایک ماہر میڈیکل ٹیم سے آراستہ ہے جو معمولی سے شدید نوعیت کے برن کیسز کو مؤثر انداز میں سنبھالنے کی صلاحیت رکھتی ہے۔ اس یونٹ سے نہ صرف رانچی بلکہ پورے جھارکھنڈ اور آس پاس کے علاقوں کے مریضوں کو فائدہ پہنچے گا۔اورکڈ میڈیکل سینٹر اپنے مشن – معیاری، قابلِ رسائی اور جدید طبی سہولیات کی فراہمی — کی جانب مسلسل پیش رفت کر رہا ہے۔