بابولال سورین ہوں گے بی جے پی کے امیدوار
جدید بھارت نیوز سروس
رانچی، 15 اکتوبر:۔ بی جے پی نے گھاٹ شلا اسمبلی ضمنی انتخاب کے لیے اپنے امیدوار کا اعلان کر دیا ہے۔ پارٹی نے ایک بار پھر سابق وزیر اعلی چمپائی سورین کے بیٹے بابولال سورین پر اپنے اعتماد کا اعادہ کیا ہے۔ بدھ کو بی جے پی کی مرکزی الیکشن کمیٹی کی میٹنگ کے بعد ملک بھر میں ہونے والے پانچ ضمنی انتخابات کے لیے امیدواروں کی فہرست جاری کی گئی۔ اس کا باضابطہ اعلان پارٹی کے قومی جنرل سکریٹری ارون سنگھ نے کیا۔
بی جے پی کے دیگر امیدواروں کی فہرست
جموں و کشمیر کے بڈگام سے آغا سید محسن، نگروٹا سے دیویانی رانا، جھارکھنڈ کے گھ ٹ شلا سے بابولال سورین، اوڈیشہ کے نواپڈا سے جئے ڈھولکیا اور تلنگانہ کے جوبلی ہلز سے لنکلا دیپک ریڈی کو نامزد کیا گیا ہے۔
گھاٹ شلا اسمبلی سیٹ کے لیے ضمنی انتخاب 11 نومبر کو ہوگا۔ کاغذات نامزدگی داخل کرنے کی آخری تاریخ 21 اکتوبر ہے۔ گھاٹ شلا سیٹ سابق وزیر اعلی چمپائی سورین کے استعفیٰ کے بعد خالی ہوئی تھی، جنہوں نے اس بار سرائے کیلاسے کامیابی حاصل کی تھی۔ بی جے پی کا فیصلہ علاقائی عوامل اور سابقہ انتخابی تجربے کو مدنظر رکھتے ہوئے کیا گیا ہے۔ پارٹی کو امید ہے کہ بابولال سورین اس بار بہتر کارکردگی کا مظاہرہ کریں گے اور بی جے پی کیلئے سیٹ دوبارہ حاصل کریں گے۔
