ہائی کورٹ کے پہلے چیف جسٹس وی کے گپتا کا انتقال

جدید بھارت نیوز سروس
رانچی، 16 فروری:۔ جھارکھنڈ ہائی کورٹ کے پہلے چیف جسٹس اور ہماچل پردیش ہائی کورٹ کے سابق چیف جسٹس جسٹس ونود کمار گپتا (وی کے گپتا) کا انتقال ہوگیا۔ کچھ عرصے سے ان کی طبیعت ناساز تھی۔ جسٹس وی کے گپتا کی آخری رسومات آج (اتوار) دہلی میں ادا کی جائیں گی۔ جسٹس وی کے گپتا کی پیدائش 10 ستمبر 1947 کو ہوئی تھی۔ انہوں نے 15 فروری کو آخری سانس لی۔ جسٹس وی کے گپتا کے انتقال سے عدالتی دنیا میں سوگ کی لہر ہے۔ جسٹس وی کے گپتا کی عمر 78 سال تھی۔ جھارکھنڈ کے الگ ریاست بننے کے بعد، 15 نومبر 2000 کو جسٹس وی کے گپتا کو جھارکھنڈ ہائی کورٹ کا قائم مقام چیف جسٹس مقرر کیا گیا۔