جدید بھارت نیوز سروس
سمڈیگا،28مارچ:۔آل انڈیا مسلم پرسنل لابورڈ کی اپیل پر الوداع جمعہ کی نماز کے دورانمسلمانوں نے مرکزی حکومت کی طرف سے لائے جانے والے وقف ترمیمی بل کے خلاف اپنے احتجاج کا اظہار اپنے ہاتھوں میں کالی پٹی باندھ کر کیا۔ اس دوران ضلع بھر کے مسلم عقیدت مندوں نے بل میں ترمیم کے نام پر مسلمانوں اور ان کی جائیدادوں پر قبضہ کرنے کی کوشش کے خلاف شدید احتجاج کیا۔ لوگوں نے کہا کہ وقف ترمیمی بل 2024 ایک سازش ہے جس کا مقصد مسلمانوں کو ان کی مساجد، عیدگاہوں، مدارس، درگاہوں، خانقاہوں اور قبرستانوں سے محروم کرنا ہے۔ یہ سب ہمارے حقوق، ہمارے مذہب کے حق وغیرہ کو چھیننے کے لیے کیا جا رہا ہے۔جمعیت علمائے ہند کے ضلع صدر مولانا منہاج رحمانی نے کہا کہ مرکزی حکومت کو اقلیتوں کی ترقی اور بہتری کے لیے کام کرنا چاہیے اور ان میں خوف و دہشت پھیلانے کے بجائے ہر وقت نئے بہانے سامنے لاکر انھیں ہراساں کرنے کی کوشش کرنی چاہیے۔ لوگوں نے کہا کہ وقف املاک کو ریگولیٹ کرنے کے لیے تشکیل دیا گیا وقف بورڈ اب تک 1995 کے وقف ایکٹ کے تحت کام کرتا ہے جس پر حکومت اور غلط ذہنیت کے حامل لوگ بدانتظامی، بدعنوانی اور تجاوزات جیسے مسائل کی آڑ میں تبدیلیاں لانے کی کوشش کر رہے ہیں۔ ساتھ ہی وہ خواب بھی دکھا رہے ہیں کہ ترمیمی بل بورڈ کی ڈیجیٹائزیشن، بہتر آڈٹ، بہتر شفافیت اور ناجائز قبضہ شدہ جائیدادوں کو دوبارہ واگزار کرانے وغیرہ کے حوالے سے صورتحال کو بہتر بنائے گا، جبکہ حکومت کی نیت اس کے بالکل برعکس ہے۔ اس لیے وہ دوسرے مذاہب سے تعلق رکھنے والوں کو اس کا رکن بنانے کے لیے قانون بنا رہے ہیں۔
جب ہم کسی دوسرے مذہب کی کمیٹی میں شامل نہیں ہیں تو پھر ہمارے مذہب کے معاملے میں حکومت کا ایسا کرنا درست نہیں۔ ہم مسلمان اس بل کو کبھی برداشت نہیں کریں گے۔
وقف ترمیمی بل کی مخالفت میں سیاہ پٹی لگاکر الوداع جمعہ کی نماز ادا کی گئی
