نوجوانوں کو کانگریس سے جوڑنے اور عوامی مسائل اٹھانے کی اپیل
جدید بھارت نیوز سروس
رام گڑھ، 04؍ اپریل: رام گڑھ ضلع یوتھ کانگریس کمیٹی کے زیرِ اہتمام پتراتو بلاک کی ایگزیکٹو میٹنگ کا انعقاد کیا گیا۔ میٹنگ کی صدارت ضلع صدر غلام سرور نے کی، جبکہ نظامت کے فرائض صوبائی جنرل سکریٹری شہزادہ تعلیم نے انجام دیے۔اس میٹنگ میں رام گڑھ ضلع کے شریک انچارج منوہر یادو بطور مہمانِ خصوصی شریک ہوئے۔ میٹنگ کے دوران تنظیم کو مضبوط بنانے، زیادہ سے زیادہ نوجوانوں کو کانگریس سے جوڑنے اور عوامی مسائل کو موثر طریقے سے اٹھانے کے حوالے سے تفصیلی تبادلہ خیال کیا گیا۔ رہنماؤں نے نوجوانوں سے فعال کردار ادا کرنے اور معاشرے کے مسائل کو مضبوطی سے اٹھانے کی اپیل کی۔ میٹنگ کے دوران کئی افراد نے یوتھ کانگریس کی رکنیت اختیار کر کے تنظیم سے وابستہ ہونے کا فیصلہ کیا۔ پروگرام کے اختتام پر تنظیم کو نچلی سطح پر مضبوط کرنے اور آنے والے وقت میں مفادِ عامہ کے مسائل کو ترجیح دینے پر زور دیا گیا۔ اس موقع پر مانڈو اسمبلی صدر کیف رضا، رام گڑھ اسمبلی صدر جیلانی انصاری، بلاک صدر گولا کوثر رضا، مہتاب رضا اور پتراتو بلاک کے نوجوان ساتھی موجود تھے۔
