جدید بھارت نیوز سروس
رانچی، 26؍اگست:ڈی وی کے بعد بھی اسسٹنٹ آچاریہ لینگویج مضمون کے عہدے کے لیے مدرسہ عالم کے زیر تربیت امیدواروں کا نتیجہ جاری نہ کرنے پر جھارکھنڈ اسٹاف سلیکشن کمیشن سے ناراض امیدواروں نے جھارکھنڈ ریاستی اقلیتی نائب صدر شمشیر عالم کی رہائش گاہ کا گھیراؤ کیا اور ایک گھنٹے تک نتیجہ جاری کرنے کا مطالبہ کرتے ہوئے نعرے بازی کی۔ کمیشن کے نائب صدر نے گھیراؤ کرنے والے امیدواروں کو بات چیت کے لیے مدعو کیا، جس پر گھیراؤ کی قیادت کر رہے جھارکھنڈ اسٹوڈنٹ یونین کے صدر ایس علی نے انہیں ڈیمانڈ لیٹر سونپا اور کہا کہ جھارکھنڈ اسٹاف سلیکشن کمیشن مسلسل من مانی سے کام کر رہا ہے جبکہ جھارکھنڈ حکومت کی ہدایات پر جے اے سی عالم فاضل امتحان کا انعقاد کرتا ہے جو کہ گریجویشن اور پوسٹ گریجویشن کے برابر ہے۔ جن امیدواروں نے عالم تربیت یافتہ اور ٹی ای ٹی ڈگری کی بنیاد پر اسسٹنٹ آچاریہ بھرتی کا امتحان پاس کیا ہے لیکن جے ایس ایس سی نے نتیجہ زیر التواء رکھا ہے۔
جبکہ اس سے قبل مڈل اسکولوں اور ہائی اسکولوں میں اردو اساتذہ کی اسامیاں پر کی گئی ہیں۔اسی طرح ڈائریکٹوریٹ آف سیکنڈری ایجوکیشن نے بھی ثانوی آچاریہ اردو کے عہدوں پر بھرتی میں پوسٹ گریجویٹ کے مساوی فاضل تربیت یافتہ امیدواروں کو شامل نہیں کیا، جے اے سی نے عالم فاضل کا امتحان دینے سے انکار کردیا لیکن محکمہ اعلیٰ تعلیم متبادل نظام کے تحت کسی بھی یونیورسٹی سے امتحان نہیں لے رہا۔موقع پر ہی اقلیتی کمیشن کے نائب صدر شمشیر عالم نے ڈائرکٹر پرائمری ایجوکیشن کو فون کرکے معاملے کو حل کرنے کی ہدایت دی، جس پر ڈائرکٹر نے کہا کہ مدرسہ کی ڈگری کے سلسلے میں جے ایس ایس سی سے رائے لینے کا حکم دیا گیا ہے، جلد ہی اسسٹنٹ آچاریہ زبان کے عہدوں پر عالم کے تربیت یافتہ امیدواروں کا نتیجہ جاری کیا جائے گا۔شمشیر عالم نے کہا کہ مدرسہ کی ڈگری سے متعلق معاملات سے جلد وزیر اعلیٰ کو آگاہ کیا جائے گا۔ اس موقع پر محمد وسیم، نصرت جہاں، حفیظ الرحمن، محمد عبداللہ،انوارالحق، عظیم الدین انصاری، ضیاءالحق،شمس الحق، خورشید عالم، آفتاب صدیقی، محفوظ عالم، صبا کریم، افتخار عالم اور دیگر کی بڑی تعداد موجود تھی۔
