چائباسہ میں آئی ای ڈی دھماکے میں سی آر پی ایف جوان کی موت

چائباسہ، 17 نومبر:۔ آئی ای ڈی دھماکے میں سی آر پی ایف کے تین جوان شدید زخمی ہو گئے۔ اس واقعہ میں بم ڈسپوزل اسکواڈ کا کانسٹیبل سنتوش اوراون شہید ہوگیا ہے۔ بٹالین کا سیکنڈ ان کمانڈ ایجیٹو ٹائن اور کانسٹیبل جینتا ناتھ شدید زخمی ہیں۔ فی الحال دونوں کی حالت خطرے سے باہر ہے۔ یہ واقعہ جمعہ کو گوئل کیرا تھانہ علاقہ کے ہاتھی بیڈا میں پیش آیا۔ جہاں تین فوجی جو جنگل میں مہم پر نکلے ہوئے تھے ایک آئی ای ڈی کی زد میں آ گئے۔ زخمیوں کو ہوائی جہاز سے رانچی بھیج دیا گیا ہے۔معلومات کے مطابق سی آر پی ایف 60 بٹالین کے سیکنڈ ان کمانڈ، اجیتو ٹائن بم ڈسپوزل اسکواڈ کے ساتھ چائیباسا کے گوئلکیرا تھانہ علاقے کے ہاتھی بیرا جنگل میں آئی ای ڈی کو صاف کرنے کے لیے نکلے تھے۔ اطلاع ملی تھی کہ اس علاقے میں نکسلیوں کی طرف سے بڑے پیمانے پر زیر زمین آئی ای ڈی نصب کیے گئے تھے۔ اس اطلاع پر کارروائی کرتے ہوئے آئی ای ڈی کو ہٹانے کا کام جاری تھا کہ اچانک دیسی ساختہ بم پھٹ گیا۔