آئین بچےگا تو ملک بچےگا : ممتا دیوی
جدید بھارت نیوز سروس
رام گڑھ ،5؍مئی: ۔ کانگریس پارٹی کی جانب سے آج دوپہر ایک بجے ہوٹل لامیریٹل کے آڈیٹوریم میں ایک پریس کانفرنس کا اہتمام کیا گیا تھا۔ پریس کانفرنس سے خطاب کرتے ہوئے رام گڑھ کی مقبول ایم ایل اے ممتا دیوی نے کہا کہ کانگریس پارٹی نے رانچی میں آئین بچاؤ ریلی کا انعقاد کیا ہے۔ جس میں پارٹی صدر ملکارجن کھڑگے، کے سی وینوگوپال سمیت جھارکھنڈ کے تمام لیڈران بنیادی طور پر شامل ہوں گے۔ ایم ایل اے ممتا دیوی نے کہا کہ آئین نے ہمیں حقوق دیئے ہیں اور کانگریس پارٹی آئین کے مطابق کام کر رہی ہے۔ آئین بچےگا تو ملک بچے گا۔ پریس کانفرنس سے خطاب کرتے ہوئے مانڈو کے سابق ایم ایل اے اور سابق وزیر جئے پرکاش بھائی پٹیل نے کہا کہ کانگریس پارٹی آئین کے تحت کام کر رہی ہے اور اس نے آئین کو بچانے کا عزم کیا ہے۔ پریس کانفرنس سے خطاب کرتے ہوئے کانگریس پارٹی کے سابق ورکنگ صدر شہزادہ انور نے کہا کہ ملک میں ایک سوچی سمجھی سازش کے تحت آئینی اداروں کو کمزور کیا جا رہا ہے۔ کانگریس پارٹی نے آئین بنانے میں تعاون کیا ہے۔ پروگرام کو کامیاب بنانے کے لیے ضلع رام گڑھ کے لوگ شرکت کریں گے۔ آئین بچاؤ ریلی کو کامیاب بنانے کے لیے ریلی میں عوام کی بڑی تعداد شریک ہوگی۔ اس موقع پر رام گڑھ کی ایم ایل اے ممتا دیوی، کانگریس پارٹی کی سابق کارگزار صدر شہزادہ انور، مانڈو کے سابق ایم ایل اے اور سابق وزیر جے پی بھائی پٹیل، بلجیت سنگھ بیدی، پنکج تیواری، بلرام ساہو اور دیگر پارٹی لیڈران موجود تھے۔
