وزیرا علیٰ نے اسمارٹ سٹی میں زیر تعمیر کنونشن سینٹرکا معائنہ کیا

جدید بھارت نیوز سروس
رانچی، 25 اگست:۔ جھارکھنڈ کے وزیراعلیٰ ہمن سورین نے پیر کے روز دھروا ، رانچی میں اسمارٹ سٹی منصوبے کے تحت زیرِ تعمیر کنونشن سینٹر کا موقع پر جا کر معائنہ کیا۔ اس دوران انہوں نے افسران سے منصوبے کے مختلف پہلوؤں پر تفصیلی معلومات حاصل کیں اور ہدایت دی کہ ایسی ٹھوس منصوبہ بندی کی جائے جس سے یہ کنونشن سینٹر ریاستی مفاد میں مؤثر طور پر استعمال ہو سکے۔افسران نے وزیراعلیٰ کو بتایا کہ اس کنونشن سینٹر میں بیک وقت پانچ ہزار افراد کے بیٹھنے کی گنجائش رکھی گئی ہے۔یہ منصوبہ سال 2018 میں شروع کیا گیا تھا، تاہم درمیان میں اس پر کام روک دیا گیا تھا۔وزیراعلیٰ ہمن سورین نے واضح ہدایت دی کہ اس زیر تعمیر کنونشن سینٹر کو آنے والے وقت میں ریاست کے سماجی و اقتصادی مقاصد کے لیے زیادہ سے زیادہ استعمال میں لایا جائے، اور اس کے لیے جلد از جلد ایک مؤثر عملی منصوبہ تیار کیا جائے۔ اس موقع پر جھارکھنڈ کے وزیر برائے شہری ترقی و ہاؤسنگ سودیو کمار، وزیراعلیٰ کے ایڈیشنل چیف سیکریٹری اویناش کمار، محکمہ شہری ترقی کے پرنسپل سیکریٹری سنیل کمار، اسمارٹ سٹی کے سی ای او سورج کمار، جی ایم راکیش نندکلیار اور دیگر سینئر افسران بھی موجود تھے۔