پہل گام دہشت گردانہ حملےپر وزیر اعلیٰ ہیمنت کا اظہار غم

جدید بھارت نیوز سروس
رانچی، 23 اپریل:۔ جموں و کشمیر کے پہلگام میں منگل کو ہوئے دہشت گردانہ حملے نے پورے ملک کو ہلا کر رکھ دیا ہے۔ اس حملے میں اب تک 26افراد کی ہلاکت کی تصدیق ہو چکی ہے۔ اس دلخراش واقعہ پر ملک بھر کے رہنماؤں، کھلاڑیوں، بالی ووڈ کی مشہور شخصیات اور عام شہریوں نے اپنے گہرے غم اور غصے کا اظہار کیا ہے۔ جھارکھنڈ کے وزیر اعلیٰ ہیمنت سورین سمیت کئی لیڈروں نے بھی اس حملے کی شدید مذمت کی ہے اور سوگوار خاندانوں سے تعزیت کا اظہار کیا ہے۔ جموں و کشمیر کے پہلگام میں سیاحوں پر بزدلانہ دہشت گردانہ حملہ چونکا دینے والا ہے۔ مرنگ برو مرحوم کی روحوں کو سکون دے اور سوگوار خاندانوں کو یہ صدمہ برداشت کرنے کی طاقت دے۔ میں زخمیوں کی جلد صحت یابی کی دعا کرتا ہوں۔