جدید بھارت نیوز سروس
رانچی، 8 اپریل:۔ انفورسمنٹ ڈائریکٹوریٹ (ای ڈی) کی ایک ٹیم منگل کو ہوتوار میں واقع برسا منڈا سینٹرل جیل پہنچی۔ ٹینڈر کمیشن گھوٹالہ اور زمین گھوٹالہ معاملے کی جانچ کے لیے ای ڈی کی ٹیم جیل پہنچ گئی۔ معلومات کے مطابق، ای ڈی نے سابق وزیر عالمگیر عالم اور ان کے پی ایس سنجیو لال سے محکمہ دیہی ترقی میں کمیشن کے حوالے سے پوچھ گچھ کی، جب کہ ای ڈی نے رانچی زمین گھوٹالے میں کانکے میں زمین پر قبضے سے متعلق ای سی آئی آر 5/24 کے گواہ پروین جیسوال سے جیل میں پوچھ گچھ کی۔ کانکے علاقہ کے سابق سی او دیواکر پرساد دویدی کو پروین کے بیان کی بنیاد پر چارج شیٹ کیا گیا تھا۔ ای ڈی نے 28 مارچ کو پروین کو طلب کیا تھا اور اسے ایجنسی میں پوچھ گچھ کے لیے بلایا تھا، لیکن اس سے پہلے، کانکے پولس نے 19 مارچ کو ان کے خلاف درج زمین دھوکہ دہی کے معاملے میں گرفتار کر کے جیل بھیج دیا تھا۔ ای ڈی نے اسپیشل ای ڈی کورٹ سے پروین جیسوال سے ان کا بیان ریکارڈ کرنے کے لیے جیل میں پوچھ گچھ کرنے کی اجازت طلب کی تھی۔ گرفتاری کے بعد کانکے پولس اسٹیشن میں دیے گئے اعترافی بیان میں ای ڈی کے کردار پر سوالات اٹھائے گئے ہیں۔ پروین کے بیان میں کہا گیا ہے کہ ای ڈی کے سامنے دیے گئے اپنے بیان میں اس پر زبردستی لین دین کا گواہ بننے کے لیے دباؤ ڈالا گیا تھا۔ پولیس اسٹیشن میں دیے گئے اعترافی بیان میں کہا گیا ہے کہ ای ڈی افسران نے اس کی پٹائی کی اور دستخط کرنے پر مجبور کیا۔ ای ڈی کے سامنے دیا گیا بیان بغیر کسی پوچھے لکھا گیا اور اس پر زبردستی دستخط لیے گئے۔ پروین کے اعترافی بیان میں بتایا گیا ہے کہ کملیش کمار کے جھوٹے بیان کی بنیاد پر ای ڈی نے ان کے بیان پر دستخط کرائے تھے۔
برسا منڈا سنٹرل جیل پہونچی ای ڈی، عالمگیر سے پوچھ گچھ کی
