مجھے بچوں کے بہتر مستقبل کیلئے ایک موقع ضرور دیں: شاہ دیو
جدید بھارت نیوز سروس
رانچی، 5نومبر: ہٹیا اسمبلی میں آپ کے بچوں کی بہتر تعلیم کے لیے سرکاری اسکولوں کو پرائیویٹ اسکولوں کے برابر بناؤں گا۔ چاہے بچے امیر ہوں یا غریب، میں تعلیم میں ان کے ساتھ امتیازی سلوک نہیں ہونے دوں گا۔ مجھ پر بھروسہ کریں اور اس بار مجھے ایک موقع دیں۔ ہٹیا سے کانگریس کے امیدوار اجے ناتھ شاہ دیو نے منگل کو اپنی انتخابی مہم کے دوران مذکورہ باتیں کہیں۔ انہوں نے کہا کہ حکومت ہٹیا کے شہری اور دیہی دونوں علاقوں میں تعلیم کو بہتر بنائے گی۔ بچوں کی ہمہ جہت ترقی کے لیے کام کریں گے۔ اسکولوں میں اچھے اساتذہ، اسپورٹس ٹیچرز، میوزک ٹیچرز کے ساتھ ساتھ دیگر سرگرمیوں کے بہتر انتظامات کو یقینی بنایا جائے گا۔ دیہی علاقوں کے طلبہ کے لیے کالج جانے کے لیے مفت بسوں کا انتظام کیا جائے گا۔ اعلیٰ تعلیم سے محروم غریب اور بے سہارا طلباء کے لیے انفرادی سطح پر خصوصی فنڈز کا بندوبست کریں گے۔ طلبہ کے لیے ہر جگہ مفت لائبریری کا انتظام ہوگا۔ میرا یہ عزم ہے کہ آپ سب اپنے ہاتھ کے نشان میں ووٹ دے کر جتائیں اور مجھے اپنے بچوں کے بہتر مستقبل کا موقع دیں۔ شاہدیو نے ہٹیا، لٹما، سولنکی، ہیساگ، ہنو، پیٹرٹولی، اپر ہٹیا سمیت کئی مقامات پر پد یاترا اور میٹنگیں کیں۔ ہر جگہ ان کے ساتھ مرد، خواتین اور کارکنان کی بڑی تعداد موجود تھی۔
